زمسان

زهمین ههمپۆشاش جامهی سپیڕهنگ

بیمایهی وهشی دڵهی ماتوتهنگ

کهردش نهوازش سهرلووتکهو یاڵان

سپیپۆششکهرد باڵاو ڕهشخاڵان

****

هاژهو خو ڕهو دهنگ هۆرخێزا نه چهم

ههرهس ملنیاو چهم سڕی جه خهم

شتش ئاسهوار خهزانی مهلوول

گزیشداو سڕیش به وای گهردهلوول

****

کهردش بانگهواز پهی ئامای وههار

پهی مهڕدهی تاسهی دڵبهر و دڵدار

پهڕئاوێش کهردێ هانهو چهمو دۆڵ

دڵداری جه سای سێوهری ویرۆڵ

****

نۆشای جه بادهی داری مێو و ڕهز

سهیران جه پهنای گۆمی دارهوهز

بهرههمی بیهی چواروهرزی ساڵهن

ژیان بێجووڵه بێواتاو تاڵهن

عهلیئهشرهف ، هولهند

زمسانو 2003ی