بڵبڵ و شهونم
بوڵبوڵ باڵپهرواز ئی چڵ و ئهو چڵ
تا شهفهق بزیۆ بوینۆ نهوگۆڵ
مهوانۆ به شهوق پهی رۆخساری گۆڵ
بهیان کهرۆ داخ دڵهی کوڵبهکوڵ
بێداری کێشۆ به نهواکهی دڵ
تا سهحهر نۆشۆ شهونم جه رووی گۆل
بوڵبوڵ تا سهحهر خهستهو پهرێشان
جهشهوبێداری دوو دیدهش ڕێشان
مهوینۆ مجیان شهونمی گۆڵان
وههاری ئهشقش بۆ گهڵارێزان
بوڵبوڵ وا مهنده و پڕ جه حهسرهتان
جه کردهوهو وێش مهبۆ ههراسان
سهرجهنۆ وانۆ وهباڵای گۆڵان
حهسرهتی شهونم مهکهرۆ بهیان
بهڵکوو هوشیار بۆ تا بهره بهیان
زهنگی دڵداریش ههم نهبۆ زڕیان
تانۆشۆ بادهی ئهشقهکهی دێرین
شهونمی گۆڵان نهگنۆ روی زهمین
نهبۆشهرمسار جه ئهشقی گۆڵان
نهسای خار نیشۆ تهڵان بهتهڵان
قهترهکهی شهونم لایهق بوڵبوڵهن
نهک خاری دڵسهخت دۆژمنی گۆڵهن
،،،،،،،،،،،،،،،،،،،،،،،،،،،،،،،،،،،،،
رازهو وهشسیایی
ولی پهی بوڵبولی
بهبۆنهو جوانی
ولهکێوه نیا
بهبۆنهو ئا تام
و ومهزهین که
جه قهترهو شهونمهکهیهنه
کۆ بیهنهۆ.
هۆرامان
سڵام سڵام
ههورامان بێشکیی
ئهدهب و عیرفان
بهجوانی
باخهکاوتۆ به قاسپهو
ژهرهژاو تۆ
دڵم بیهن
تۆ به تۆ
شهوق وهشیم
مجیان کۆ
بهنهرمی وشهکاوتۆ زوانی پاراو
وێنهی جۆ
ساڕێس کهردهن
کوڵوو کۆ
دڵ و دهروون
مارۆ گۆ
سهفا و
وهفا بههرهوتۆ
تاریکیما
کهرۆ رۆ
به دهسهو
و چینوو تۆ تۆ
یهکسانێنمێ
جهلاو تۆ
فهرههنگی
ههزار ساڵهت
تۆشهو
ژیواو گراڵهت
بیهن به
نۆخشهو خهرمان
ههر ئاوا
بیی ههورامان
کۆتوچۆخۆرانکهکهیت
کڵاشه تیرهدارهکهت
به لهتهری
به چمچه به
جاجمێ و تاینچه
یان نمهد و گڵێمه
باسشکهری
تاریخت ژیواو نهتهوهو
هۆزت
به شێعرهکاو
مهولهوی یان
سهیدی سهر پیری
تۆ ناحهزا
کهری ژیر گهر
شێریچبا ماری گیر
ئیی رچهو
ئیی زوانه ئیی
فهرههنگ و خهزانه
گرد دهسکهوتو
بهڵگهوتۆن ئهر
تۆنهبی ژیوایم
کۆن
یانهی
ته دبیرو راوێژ
مهرێم ئامانهۆ
وههۆش
ههربه
نهرمی ویهکسانی
ژیوای جه ههورامانی
پیی زانا
و پیی حیکمهتا
جهرگت
ههڵای لهتلهتا
سهرکاو