یانه‌ رؤچنه ده‌سوو ماریه‌وه‌ به‌رپشینه‌و پڕیه‌نه‌ دلێ ده‌مو ئه‌ژده‌های!؟

ده‌سوو ماریه‌وه‌ به‌رپشینه‌و پڕیه‌نه‌ دلێ ده‌مو ئه‌ژده‌های!؟

 

نمه‌زا چی برێی به‌ هیچ قه‌سه‌میێ باوه‌ر نمه‌که‌را؟! به‌ هیچ عیلم و ده‌لیلێوه‌یچ ئیمان نمارا؟ مه‌رده‌ی ئینسانه‌کاو بێحورمه‌تیچشا وینا هه‌ر حاڵیشا نمه‌بو!؟ واته‌نشا ئینسانی ژیر 

و یه‌ک ئیشاره‌ت.

 گه‌ره‌کما که‌مێ وێمانه‌و بێ په‌رده‌ چنی وانه‌ره‌کاو ئی په‌لیانه‌یه‌ قسێ که‌روو‌. گه‌ره‌کما که‌مێ داخ و ده‌ردم  به‌رباروونه‌و دڵم هاڵی که‌روو. راسه‌تا په‌نه‌ واچوو  ئه‌من دلێ ژیوایمه‌نه‌، ده‌سوو مه‌رد و نامه‌ردیه‌وه‌ تاڵیێ و وه‌شیێ فرێم دیێنێ و به‌ڵایێ فرێم ئامه‌ینێ مله‌ره‌ به‌ڵام هه‌ر پاسه‌ که‌ وێچتا مزاندێ زه‌خمو دوسی ده‌رده‌ش گرانته‌ره‌نه‌و و دێرته‌ر ساڕێژه‌ بووه‌..,

 ئه‌ڵبه‌ت خاسته‌ر ئانه‌نه‌ وه‌ڵێنه‌ بزانمێ به‌ کێ دوس ماچا و به‌ کێ دژمه‌ن یام نه‌یار؟ کێ هه‌ن نه‌زانو دوس پانه‌یه‌ ماچا که‌ خاسی، وه‌شی و گه‌وره‌یی توش گه‌ره‌کاو نه‌یاریچ پێچه‌وانه‌ش؟ به‌ نه‌زه‌‌ر‌و شمه‌ چه‌نی کریۆ که‌سێ په‌ی یانه‌وه‌که‌رده‌ی‌ کو‌مه‌کش که‌ری وه‌لێ ئاد به‌ی یانه‌و تو وڕنونه‌و وێچش به‌ دوسو تو بنیۆره‌!!! یام واچو تویچ جه‌ منه‌نی و چه‌ فه‌رقێو‌ما هه‌ن پێوه‌ره‌!! بورێنه‌ دلێ یانه‌که‌و من ‌تو یانه‌ت په‌ی چیشی؟؟!!! ئایا شمه‌ حازرێندی ئی نامه‌ردییه‌ قه‌بووڵ که‌ردێ؟؟ با جورێته‌ر واچووش: شمه‌و یه‌رێ برایێتا ئینایدێ دلی یه‌ک یانه‌ینه، ئی یانه‌ (به‌ ده‌م و بێ سه‌نه‌د) بڕیان ملوو برا گه‌وره‌که‌یتاره‌(سۆران)و به‌ نامو ئادیه‌وه‌ قه‌باڵه‌ کریان!! شمه‌یچ گردێتا گه‌ورێ بیێندێ و به‌شه‌و وێتا گه‌ره‌که‌نه‌و حه‌ز که‌ردێ بلدێ شونو یانه‌و زینده‌گی وێتاره.‌ به‌ڵام برا گه‌وره‌ را نمه‌دو که‌س بزیۆره‌و ماچو: ئیللاوبیللا ئینه‌ راتانه‌و که‌س حه‌قو قسه‌ که‌رده‌یش نیا. یۆ جه‌ براکاتا گوش نمه‌دو به‌ قسه‌کاش و مازو جیا(کرمانج)، یۆته‌ریچشا هه‌ر جه‌ زووه‌و لای توریان(که‌لهۆڕ)، مه‌ندێوه‌ شمه‌(هه‌ورامی). شمه‌یچ نه‌وه‌شێندێ و به‌حاڵ هه‌ناسه‌تا به‌ر مه‌یوه‌! که‌ردێندێشه‌نه‌ دلێ ئوتاقه‌ی تاریک و نسرم!! لاو خه‌ڵکیچوه‌ ماچو ئانا یانه‌نه‌ پادشایه‌تی که‌رو!!! شمه‌ نامو ئی کارا چێش منیه‌یدێ؟

   مه‌گه‌ر (تعریب) که‌رده‌ی کارێوه‌ خراو و نائینسانین؟ راسی چی؟! حه‌تمه‌ن مواچدێ ده‌ی ئانه‌ که‌ی قسێنه‌ تو که‌ریش!! ماناو ئینسان بیه‌ی ئینا دلێ وێ بیه‌ینه‌. ده‌ی خاسا مه‌‌گه‌ر ئه‌نفاڵیچ په‌ی ئانه‌یه‌ نه‌بیه‌ن تو وێت نه‌بی!!؟ مه‌گه‌ر شمه‌ به‌ چیشیوه‌ وێتا مژناسندێ؟ کریو وێتا به‌ یاگو براگه‌وره‌که‌یتا برماندێ؟ عه‌سڵه‌ن تا ئیسه‌تێ کێ دیه‌نش یۆ به‌ی وێش به‌ یاگو براکه‌یش موعه‌ره‌فی که‌رو؟! ئایا خه‌ڵک مه‌سخه‌ره‌ش په‌نه‌ نمه‌که‌رو؟؟!!

ده‌ی براکه‌م (تکرید)یج هه‌ر چامنه‌نه‌! هیچ فه‌رقێوش نیا چه‌نو (تعریب)ی. تو وه‌ختێ وێت نه‌ویه‌ی! گیرام جووله‌که‌ بیه‌ی! مه‌گه‌ر فه‌رقش هه‌ن؟ تو ئه‌گه‌ر ژیر بینه‌ ملی قه‌ویته‌ره‌که‌ی هورچنی.

سه‌دام حسه‌ین حه‌قو نویسه‌یش دابێ به‌ کوردی به‌ڵام کورد حه‌قو نویسه‌ی نمه‌دو به‌ هه‌ورامی!!

ده‌ی فه‌رماودێ هه‌ر لالاییما په‌ی که‌ردێ و واچدێ فه‌رقما نیا، یۆنمێ و براینمێ!؟

ئانه‌ ها بزاندێ په‌ی (سه‌باح هه‌ورامی) پێشمه‌رگه‌ و هونه‌رمه‌ند چێششا که‌رد؟ ئایا حه‌زشا نه‌که‌رده‌ن به‌ نه‌بیه‌یش و ئه‌وه‌بریای ده‌نگو سیاوچه‌مانه‌ی؟

فه‌ردین هه‌ورامی

 

سه‌رنجې

No Comments, be the first to Comment

سه‌رنجېوی تازه‌ بنیه‌ره‌‌