یانه‌ هه‌والې راو گردیما ئه‌وه‌گێڵاین

راو گردیما ئه‌وه‌گێڵاین

 

نه‌وات وێرانه‌ی دڵ که‌رو ئاوا

چه‌نی به‌سته‌ی فه‌رد بێساران ماوا

یانه‌ وێرانی هه‌ر په‌ی من ئامان

نمه‌تاوو گێروو که‌سێوته‌ر دامان

به‌ داخێوی گه‌ورێ هاگادارێ بیه‌یمێوه‌ هونه‌رمه‌ند، سیاوچه‌مانه‌چڕ، گورانیواچ و زوانپارێزو گه‌وره‌و هۆرامانی "سه‌باح هۆرامی" ‌ تاریخو 29 نوامبرو2012 مه‌سێحی به‌رابه‌ر به‌ 9 که‌ڵه‌هه‌رزو1391 روجیاری، کوچش که‌رد په‌ی ماواو بێده‌نگی و یانه‌ئاواییش جه‌ دنیای واست.

سه‌باح هۆرامی یو چا ئێنسانه‌ گه‌ورا‌ بێ که‌ جه‌ ویه‌ڕو گورانیه‌ هۆرامیانه‌ و خزمه‌ت به‌ زوان و فه‌رهه‌نگو هۆرامانی مانیایی نه‌شناس و لێره‌دار بێ. چا راینه‌ فرێو جه‌ که‌له‌به‌ره‌کاش په‌روه‌ که‌ردێبێنێ و به‌ کوچی بێواده‌ش یاگێوه‌ گه‌ورێش ها‌ڵیه‌ که‌رده‌. ئی ئازیزه‌ جه‌ هه‌رمانه‌کاشه‌نه‌ ساحێب سه‌بک، ئه‌ره‌نیه‌ر، ئه‌نه‌ئاوه‌ریوی‌ بلیمه‌ت و بێوێنه‌ بێ. ده‌نگ و گه‌ڵوه‌ش په‌یام ئاوه‌ر، په‌یام یاونه‌ر، جاڕده‌ر، بانگده‌رو شارستانیه‌ت، وه‌شی و شادیه‌کا، ره‌نج و مه‌ینه‌ته‌کاو مه‌حالو هۆرامانی بێ.

پیجوره‌ ئێمه‌ پسه‌و جه‌مێو جه‌ دڵسوزا و خزمه‌تگوزاراو زوان و فه‌رهه‌نگو هۆرامانی ئی مسیبه‌تیه‌ به‌ خانه‌وادو ئا ئازیزه‌ کوچکه‌رده‌یه‌ و هه‌رپاسه‌ جامێعه‌و فه‌رهه‌نگی هۆرامانی و گردو خه‌ڵکو مه‌حاڵو هۆرامانی ته‌سلیه‌ت ماچمێ و په‌ی ئه‌وه‌مه‌نه‌کاو ئا مه‌رحومه‌یه‌ سه‌بر و تاقه‌ت موازمێ.

*****

1- مه‌هدی ئه‌بری 2- کوورش ئه‌مینی نودشه‌ 3-  سبحان ئه‌مینی هانه‌گه‌رمڵه‌ 4-  بورهان ئه‌خته‌ر(هۆرامی) 5-  جه‌ماڵ بێدار 6-  بێهروز حاجی 7- ئومید حه‌بیبی 8- عه‌بدوڵڵا حه‌بیبی 9- سه‌باح حه‌سه‌نی شیانی 10- داریۆش ره‌حمانی 11- عه‌بدوڵڵا ره‌حیمی 12- فاتێح ره‌حیمی 13- موحه‌مه‌د سالاری 14- سابیر سه‌عیدی 15- سه‌رکه‌وت عه‌زیزی نوێن 16- موحه‌مه‌د شه‌ریف عه‌لیره‌مایی 17- نعمان فایق سوسه‌کانی 18- موحه‌مه‌دی فه‌هیم 19- هومایۆن موحه‌مه‌د نێژاد 20- موحه‌مه‌د مسته‌فازاده‌ 21- فه‌ریبورز موسازاده‌ 22- کوورش یۆسفی.

30 نوامبر 2012 مه‌سێحی

10 که‌ڵه‌گه‌رزو 1391 روجیاری

 

 

 

 

سه‌رنجې

No Comments, be the first to Comment

سه‌رنجېوی تازه‌ بنیه‌ره‌‌