یانه‌ رؤچنه سمینارو زوانی هۆرامی جه‌ دانشگاو مه‌ریوانینه‌

سمینارو زوانی هۆرامی جه‌ دانشگاو مه‌ریوانینه‌

دانشگاو په‌یام نورو مه‌ریوانینه‌ ڕو یه‌کشه‌ممه‌ی‌ 10و پاژه‌ره‌ژو 1391 ڕوجیارینه‌ سمینارێو جه‌باره‌ زوانو هۆرامیوه‌ بریا ڕاوه‌. ئی گلێروه‌بیه‌یه‌‌ به‌ بونه‌و دمایی ئامای مه‌رحه‌له‌و ئه‌وه‌ڵو کلاسه‌کاو ئاموزشو زوانی هۆرامی و ده‌سپه‌نه‌ که‌رده‌ی ده‌ورو دووه‌مو ئی که‌لاسانه‌ رێک وزیا بێ.

 

 

ۉېنې سه‌میناره‌که‌ی( ۉېنه‌گیر حکمه‌ت ئه‌مینی)

چی مه‌راسمه‌نه‌ که‌ جه‌ ساڵون یا هه‌یوانه‌و هه‌مایێشه‌کاو دانشگاینه به‌رگوزار بی تعدادێوی فره‌ جه‌ دانشجو، ئوستاد، نویسه‌ر و عه‌لاقه‌مه‌نداو زوان و فه‌رهه‌نگو مه‌حاڵو مه‌ریوان و هۆرامانی حازرێ بیێبێنێ. جه‌له‌سه‌که‌‌ به‌ وه‌نه‌وه‌ی چن ئایاتێ جه‌ قورعانی که‌ریمی ده‌سش په‌نه‌ که‌رد و دماته‌ر راوه‌به‌رو که‌لاسه‌کا ژیاری سڵامه‌تیان، خێرئامایش که‌رد جه‌ مێمانه‌کاو و به‌ شێویه‌ کوڵ چه‌نیه‌تی ده‌س به‌کار بیه‌ی ئی هه‌رمانێ و یاوگه‌و ئا کاره‌یشه‌ کورناوه‌ و باسش سه‌روه‌ که‌رد. دماو ئادی ره‌ئیس و راوه‌به‌رو دانشگای ئاغه‌ی سه‌مین عه‌باسی لوا په‌شتو تریبونی و ئانه‌شه‌ وات که‌ دانشگا ئاماده‌ن په‌ی یاردی دای به‌ هه‌رمانه‌ فه‌رهه‌نگیه‌کا و چانیشایچه‌ ئه‌ره‌نیای که‌لاسا په‌ی ئاموزشو زوانی هۆرامی و زوانی کوردی. جه‌ ئیدامه‌و به‌رنامه‌که‌ینه‌ ئوستاد جه‌لال شه‌فێعی سوخه‌نڕانیش که‌رد. عونوانو مه‌تڵه‌به‌که‌یش "زوانو ئینکاری و ئینکاری زوانی" بێ. شونیشه‌ره‌ نویسه‌ر و شاعێرو هۆرامانی مودرێک که‌ریمی چن پارچه‌ شێعرێ هۆرامیێش وه‌نێوه و سه‌عدوڵڵا خون خام یچ مه‌تڵه‌بێوی نه‌سرش وه‌نه‌وه‌ ‌. جه‌ ئاخریچوه‌ مسیارنامه‌ یا دانشنامه‌ی ره‌سمی ئاموزشو زوانی هۆرامی دریا به‌ 23 نه‌فه‌رێ جه‌ دانشجوه‌کا که‌ جه‌ مه‌رحه‌له‌و ئه‌وه‌ڵو ئی که‌لاسانه‌ به‌شدارێ بیێبێنی و به‌ سه‌رکه‌وته‌یی ده‌و‌ره‌که‌شا ته‌مامنا بێ. ئی که‌لاسانه‌ که‌ڵه‌سه‌وار ئیدامه‌شا هه‌ن په‌ی ئا مسیارانه‌ که‌ په‌ی ئه‌وه‌ڵ جاری به‌شداری ‌که‌رانێ‌ و ئانیشایچه‌ که‌ ده‌ورو ئه‌وه‌ڵیشا ته‌مامنان ملانه‌ پلێ دووه‌می.  په‌نه‌واز به‌ واته‌ین ئوستاد و فێرکارو ئی که‌لاسانه فاتێح ره‌حیمی ن که‌ وێش ده‌ستور زوانو هۆرامیش نووسیه‌ن و جیا جه‌ چن کتێباته‌ری، فه‌رهه‌نگ لوغه‌تی هۆرامیچش گلێروه‌ که‌رده‌ن و ئاماده‌و چاپین.

12 پاژه‌ره‌ژو 1391 روجیاری، یه‌کوو مه‌ی 2012 میلادی

داریوش ره‌حمانی. مه‌ریوان

This e-mail address is being protected from spambots. You need JavaScript enabled to view it ۉېنې سه‌میناره‌که‌ی( ۉېنه‌گیر حکمه‌ت ئه‌مینی)

سه‌رنجې

No Comments, be the first to Comment

سه‌رنجېوی تازه‌ بنیه‌ره‌‌

 
 
 
 
 
 
 
 

Last Updated (Tuesday, 01 May 2012 19:51)