یانه‌

«ساڵه‌ی تازێ»

تۆ واچی ئیمساڵ ساڵیه‌ وه‌شه‌ بۆ

وه‌هارش گه‌ش بۆ

لیرپاوێ بانه‌ هانێ و چه‌مێ؟

منیچ

نه‌ماموو ده‌سام بنیه‌و

        سه‌وزێ بانه‌و

          گێرا دوێ مه‌مێ!؟

***

«ده‌راو»

ده‌راویه‌ کش و مات

که‌ په‌ی جاریه‌

لچوو وه‌ره‌تاویش نه‌گه‌سته‌ن

خشه‌و شه‌خه‌ڵیش

            جه‌لا

             بیه‌ن به‌ باوڕیه‌ قووڵ.

داخم چه‌ دروزنانه‌ بۆ جه‌لاش

ده‌س ملانێ شاخه‌کا

              چه‌نی وه‌ره‌تاوی.

ده‌راو: ده‌ره‌و ئاوێ.

***

«تروسکه‌«

دڵه‌ وه‌سشه‌ن وه‌س

چنن جارێ واچووت

ئا تروسکه‌

        دروێنه‌ دروێ

مه‌ر جه‌ ویرت لوان

چه‌قنایش به‌ خمخانه‌ی سیاوه‌ره‌و

                           وستیش دلێ موغارێ

کڵاوه‌ مه‌نیه‌ سه‌ره‌و وێت

                   ملت که‌وته‌ن لاو دارێ

ئانه‌ برێقه‌و چه‌ماو مه‌رگین

                 نه‌ وه‌ره‌ن

                   نه‌ مانگه‌

                   نه‌ هه‌سارێ!

تروسکه‌: نوور

مه‌هدی ئه‌بری (هه‌ورام). مه‌ریوان

 

سه‌رنجې

  • 1) سۆپاس نامه

    Author: هورامان هانه به رچه م

    سڵام ئاواتم ته مه ن رێژی جه نابیتا.چه مه راته نمێ.

  • 2) سه‌رنامه‌ش نیا

    Author: کورش رحمانی

    دست وش شعرکات وشنه منتظرو بقییشا هنمه

سه‌رنجېوی تازه‌ بنیه‌ره‌‌