یانه‌ رؤچنه مه‌تنوو ته‌ۉه‌ن نویسیاکو کوورشی گه‌وره‌ی

مه‌تنوو ته‌ۉه‌ن نویسیاکو کوورشی گه‌وره‌ی

محه‌مه‌د مسته‌فازاده‌

زوانی هۆرامی و دنیای مودیڕن

"...ئینا به‌ یارده‌ی مه‌زدای تاجو پادشایه‌تی ئێران، بابل و چوارسه‌وه‌ریم نیا سه‌روو سه‌ره‌یم؛ هاگادارێتا که‌روه‌وه‌ به‌ ئانه‌یه‌ که‌ بزاندێ:

تا روێو زینده‌نا و مه‌زدا ته‌ختوو پادشایه‌تیم پارێزنو؛ ئایین و نه‌ریتوو ئا قه‌وما که‌ به‌ پادشام مزانا، به‌رز و بارووم دار ته‌ماشه‌ که‌روونه‌و نمازوو فه‌رمانڕه‌واکێ و ده‌سه‌ڵات داره‌کێم، ئایین و نه‌ریتوو ئا قه‌وما یا قه‌ومانێوته‌ری ورد و یا سووک که‌را.

...هه‌رگیز پادشایه‌تی وێم به‌ زور سه‌روو هیچ ملله‌تێویه‌ره‌ مه‌سه‌له‌منوو و هه‌ر ملله‌تێو ئازادا که‌ به‌ پادشام بزانو یا نه‌زانو، و هه‌ر ملله‌تیویچ که‌ نه‌وازو من پادشاش بوو، په‌ی به‌زنه‌ی و چێرده‌ست که‌رده‌یش جه‌نگ مه‌که‌روونه‌.

...نمازوو که‌س به‌ مه‌ردمی زور واچو و ئه‌گه‌ر که‌سێو سته‌مش وه‌نه‌ کریا، به‌شش مسانوه‌وه‌ جه ‌سته‌مکاری و سته‌مکاره‌که‌یچ به‌ سزا میاونوونه‌.

...نمازوو که‌س زه‌ڕ یا ماڵوو که‌سێوته‌ری به‌ زور یا نا‌‌حه‌ق گێروره‌ و ئه‌گه‌ر ئی کاره‌ کریا من زه‌ڕ و ماڵی بریای هورگێڵنوه‌وه‌ په‌ی خاوه‌ندیش.

... نمازوو که‌س جه‌ که‌سی بێگاری کێشو و مه‌بو که‌سیچ بێ زه‌ڕ و مه‌رج به‌ که‌سی کار که‌رونه‌.

... هه‌ر که‌سێو ئازادا جه‌ هه‌ر دینیوی که‌ گه‌ره‌کش بی په‌یڕه‌وی که‌رو و هه‌ر یا گێوه‌ دڵش بوازو بژیوۆنه‌ به ‌هام شه‌رت چاگه‌ حه‌قوو که‌سی نه‌فه‌وتنو و هه‌ر کاریویچ دڵش پوه‌بی، گیرۆنه‌ ده‌س و ماڵوو وێش به‌ هه‌ر جورێو که‌ به‌ خاسش بزانو به‌خشونه‌ش پا مه‌رجه‌ زه‌ره‌ر نه‌دو ئه‌و که‌سی.

... هه‌ر که‌سێو به‌رپرسوو کرده‌وه‌و وێشا و مه‌بو هیچکه‌س وه‌روو که‌تنو که‌س و کاریش سزا دریۆ و سزادای برایوی به ‌یاگو ئه‌و براکه‌یش یه‌کسه‌ره‌ ناڕه‌واو وه‌ربه‌سته‌ن...

... نمازوو ژه‌نا و پیایا که‌را به‌ کاره‌که‌رێ یا نه‌وکه‌رێ و ڕه‌سموو به‌رده‌گی مشیۆم په‌ی هه‌میشه‌ی دنیانه‌ هورگیریۆ.

جه‌مه‌زدایم گه‌ره‌کا په‌ی ئه‌نجام دای ئا فه‌رمانا که‌ ڕێته‌ به‌ ملله‌تاو ئێران، بابل و چوار سه‌وه‌ری وستێنێم سه‌روو شانام یارده‌یم دونه‌".

 1-بارووم دار: حریم دار، با احترام

2-خاوه‌ند: ساحب

3-وه‌ربه‌سته‌: ممنوع

ئی ته‌وه‌ن نویسیا ئیسه ئینا ئه‌نتیکه‌یانه‌و پادشایه‌تی ئینگلیسی دلێ شاروو له‌نده‌نیه‌نه‌.‌

سه‌رچه‌مه‌: مسته‌فازاده‌، محه‌مه‌د، زوانی هۆرامی و دنیای مودێڕن، نشر رگا، تهران، 1389 ڕوجیاری.

سه‌رنجې

  • 1) aya ba hawrami sarsho nwesyan

    Author: barzan

    slam kak mohamad mostafa zada, dmaey rezo e7tarme paey azaniareyaya, balam presyarem hana. aya aee nwestaya ba hawramy nwesyan saro tawanakewa? wanamey mozaxanakaw london tawee pesa wesh benwesee? fra spas.

سه‌رنجېوی تازه‌ بنیه‌ره‌‌

 
 
 
 
 
 
 
 

Last Updated (Thursday, 29 March 2012 08:48)