یانه‌

به بۆنه و ڕۆ جه هانی زوانوو ئه داێ، 21.02.2012

یونسکۆ سه ر به ڕێکوزیاو نه ته وه یۆگێرته کا جه ساڵه و 2009 یه و به مه به ستوو پارێزنای زوانوو ئه داێ ڕۆ 21.02.ش پێسه و ڕۆ جه هانی زوانوو ئه داێ دیاری که رده ن.

یونسکۆ چا ساڵه ولای گرد ساڵیه چی ڕۆنه به مه راسمێ جۆراجۆرێ ڕێز جه زوانوو ئه داێ گیرۆ و داوا جه گردوو وه ڵاته فره زوانه کا که رۆ که مافوو فێربییه ی و په روه رده ی په قسه په نه که راو گردوو زوانه کا به ڕه سمی بشناسا و ئێمکاناتشا په ی فه راهه م که را. یونسکۆ هه رپاسه ساڵه و 2008 یش پێسه ساڵه و زوانی ده سنیشان که رده و و جارێوه ته ر پاگێریش سه روو پارێزنای و گه شه په نه دای به زوانوو ئه داێ که رد.

به په یلواو فر جه مامۆسایاو بوارو په روه رده ی، پێسه و یۆهان ئاموس کۆمینوی، که به بونیادنه روو زانستوو په روه رده ی سه رده می جه دنیانه ئه شناسیان، مشۆ زاڕۆ تا ته مه نوو 12 ساڵه ی جه فێرگه نه ته نیا به زوانوو ئه داو وێش بوانۆ و په روه رده کریۆ. چی ماوه نه زاڕۆ جیا چانه یه که زوانوو ئه داێش به شێوازیه زانستی و به رده وام فێربۆ، هه رپازوانیه پێوه ندی به دنیاو ده رووبه ریش که رۆ، ماناو به ها کۆمه ڵایه تیه کا فێر بۆ و هه ستووسۆزوو ده روونی وێش هه ر پا زوانیه تاوۆ به باشی به روزۆ. چا قوناغه نه که سایه تی زاڕۆی سه قامگیر بۆ و زوانوو ئه داێش بۆ به به شیه گرینگ جه که سایه تی زاڕۆی.

سه روو ئه ساسوو بنه ماکاو مافوو مرۆڤی و مافوو شارۆمه ندی، به کار ئارده ی زوانوو ئه دای جه گردوو بواره کاو ژیواینه مافیه سه ره تایی و بێ ئیلاوئه ولای گرد تاکیه ن. تاکه کاته ری و به تایبه ت ده سه ڵات ئه رکوو سه روو شانه یشا که ڕێز چی مافیه گێرۆ و ئێمکاناتش په دابین که رۆ. بێ به ش که رده ی مرۆڤی چی مافه سه ره تایه یه گه وره ته رین زه برووزیانیه ده روونین که دریۆ وه نه ش. شۆنه واروو ئی زیانیه هه رپاسه زه ینوو که سایه تی تاکی گێرۆوێ و تووشوو سه ر ونه شێویاێش که رۆ پێوه ندی به ینوو وێرکه رده یه و و قسه که رده ی تێک مدۆ.

ئێمه به ش به حاڵوو وێما وه ڵ جه گردچیه نه ڕۆ جه هانی زوانو ئه دای به گردوو کۆمه ڵگاو مرڤایه تی به تایبه ت به خه ڵکوو هه ورامانی پیرۆزبایی ماچمێ و چه سپنایی ئی ڕۆیه جه ئاستوو دنیاینه به ده سکه وتیه گه وره مزانمێ. د‌اوا که رمێ جه خه ڵکوو هه ورامانی که ڵک چی ده سکه وتیه هۆرگێرا و هه مکارێما با په ی پارێزنای زوانه که یما، که وزیان په شته و گۆشی و گرد ئێمکانێوه به کار بارا په ی په روه رده و فێرکه رده ی زاڕۆڵه کاشا به هه ورامی.

هامکات چه نی ئانه یه داوا که رمێ جه لایه نه ده سه ڵات داره کا، که ئی مافه سه ره تاییه و خه ڵکوو هه ورامانی به ڕه سمی بشناسا و ئێمکاناتوو گه شه که رده یش په ی دابین که را.

ڕێکوزیا و پارێزه راو زوانوو هه ورامی، 21.02.2012

 

سه‌رنجې

No Comments, be the first to Comment

سه‌رنجېوی تازه‌ بنیه‌ره‌‌