مامۆسای پایه به رز عوسمان هه ورامی

بوڵبوڵی وه شوانی وه ش نه غمه ، چریکه و قاسپه ی ژه ره ژ ئاسات سه رجه م که ش و کۆ و دۆڵ و چیا و

ده شت و ده ر و هۆبه و هه وار و هانه و چه م و ڕوبارو هه ورامانیش په ڕ که رده ن جه له ره و سۆزه

ئه هوراییه که و سیاوچه مانه و وه شه ویسی که چڕیه نت گۆشو سروشتیه ره .

گه رچی ئیناینا وه ڵاتو گوڵه بۆنوه شه ڕه نگواڕه نگه کاو هوله ندیه نه ، باقێوه وه رکه مه ر و

سوره هه راڵه و شاهۆ و داڵانی چه نی کرته ڵێوه گۆراڵێ ڕه نگواڕه نگێ وه رزو وه هاری و

باقێوه شه وبۆ و بۆژانه که ده وروبه رشان به گوڵه چنور ڕازیانۆ ، مه ده و ئه و به رۆکێت و گوڵوارانت

که روو.

خه م و ئازارو دوره وه ڵاتی و ناهه مواری ژیانی و به ش مه ینه تی نه ته وه که یمان و ده یان

هۆکارێ ته رێ وه رمو شه وێشان وه نه شێونانێ ، زوانم لاڵ پسه م زانا دوربای جیات

ئاستێنمێ .

نه تاوام چه مێ بنیه و پێوه ره و وه نه وزه ی ته ریش په ی بده و په وچی پی چند دێڕه هۆنیاوانه

شڵه ژیایی و ئاڵۆزی ده رونیمو داخ و په ژاره و وێم به ربڕی .

له ش ساقی و ته مه ن درێژیت هیوا و ئاواتمه ن .

(( وه رمی ئاڵۆز))

هه واڵو کۆچیت ئارد په رێم شه ماڵ

ده ک ڕه نجه ڕۆبی ،ده ک زوانت لاڵ

جا مه جنون ئاسا په ی ساڕێژ ده رد

شیان ئه و دامان چه م و دۆڵ و هه رد

***

(ئاته ژگا) ئایر گرته ن ده رونش

(ویمیر) ، لێڵ بییه ن سه رچه مه ی ڕوونش

(شاهۆ)، هه ڵس خه م جه دیده ش وه شته ن

(مارانی) دیسان ژه هر خه م چه شته ن

***

مه ینه ت جه ڕۆخسار (پوینه )دیاره ن

(زه ل) هه ڕ و لیته جه جه سته ش باره ن

وشک بییه ن چه مه ی دیده ی (هانه ساو)

مات و مه لوله ن ناحیه ی( لاره کاو)

***

(مێردۆک) تۆز خه م نیشته ن ئه و جه سته ش

(ڕژ، )ڕژان قامه ت ته م و مژبه سته ش

(هه وڵی) گوزه رگای میرزای وه شکه لام

چ مات و مه لول چ چۆڵه ن جه لام

***

هاژه و خرۆشی( جه مه ی میرئاوا)

ناڵه و هاوارش ئه و گه ردون یاوا

(سێمله) مل که جی خه مانه ن دیسان

ئازیه تباریشه ن جیای (که ڕیسان)

***

(ده روه ند) تێر تۆتۆی یه خه ی وێش دڕی

سیاو چه مانه ی کۆچی تۆش چڕی

ماواو مه سکه نو نه چیری و که ڵی

په رێت ڕه شپۆشه ن قولله ی (زاوه ڵی)

***

چون شێت مه ناڵۆ (سیروان) خرۆشان

(دووئاویچ) هانه ی دوودیده ش جۆشان

چ خه فه تباره ن که شو (داڵانی)

وه شیش نه مه نه ن پێسه و ساڵانی

***

ئارۆ هه م دیسان زاریشه ن بوڵبوڵ

وشک و ژاکیان سۆسه ن و سونبوڵ

قومری سه رباڵش به په یکانی خه م

وناڵین بیه ن جیابی جه هه م

***

ژه ره ژ بێده نگه ن جه بێده نگی تۆ

قاسپه ش تێکه ڵه ن به شین و ڕۆڕۆ

وه نه وشه ی شه یدا و گوراڵه ی وه هار

په ی کۆچی ناکات مه گره وان به زار

***

هه ورامان په ی تۆ یه کسه  ڕه شپۆشه ن

که ڵکه ڵه و تاسه و چریکه و تۆشه ن

سیاوچه مانه سیاوچه مانه

ڕه شپۆشه ن په رێت ئی هه ورامانه

عه لی ئه شر ه ف

هوله ند

2005-10-1 

(( فریشتێ ))

شێخت که رده ن شێت شێت بیه ن ده یری

مه یله ی بنمانه یا ڕه حمه ی خه یری

کام نه قاش کێشاش وێنه ی بێ وێنه ت

کام نه جاڕ تاشاش په یکه ر جه سینه ت

جه کامین گونبه ز چون گونبه زی تۆ

ته واف پێم ڕه وان به نه سیبم بۆ

کامین مناره به رزه ن چون ملت

کام خه نه ت ساوان ئه و ده س و پلت

کامین که مانه ن که مانی ئه برۆت

چون په لکی زێڕێن دانش گه مارۆت

کام به ننا که رده ن ئه ندامت به نا

شیاۆ و وێشه ن خۆ حه مد و سه نا

کامین قژی لول کام پڕچی چین چین

نه وینام به چه م نه چین و ماچین

******

کامین مغناتیس وێنه و چه مانت

دڵش ڕفانان ده سم دامانت

جه کامین سورمه ت کێشان ئه و چه مان

کام سوخمه ت که رده ن په ڕچینو مه مان

کام ده مو کام لچ کام گۆنای گوڵنار

کام سوره ولی کام سوره هه نار

جه کامین باخو کامین باخه وان

په روه رده ش که ردی گوڵه ئه رخه وان

کام عه تر و کام بۆ کامین وه رکه مه ر

چون عه تری له شت بۆنوه ش ڕۆحپه روه ر

تۆ فریشته نی یا ئاده میزاد

دڵ بیه ن شه یدای غه مزه ی نیم نگات

عه لی ئه شره ف . هوله ند . 21-9-2003

دماکۆچ

کۆچی بێ واده ت جه رگش ئه شکاوان

تارمایی خه م ئه ودیده م ساوان

بڕیه نش هێز و هانا جه جه سته م

زار و په شێوه ن ده رونی خه سته م

بڵێسه ی ئایر مه ی نه ده رونم

قرچه قرچشه ن دڵه ی په ڕ هونم

مه نزڵ موباره ک برای کۆچ که رده م

خه م وه ری هۆز و ئه دیبی سه رده م

***

کۆگای مه عریفه ت وه ش زه وق و که لام

ویرت هه رمه نه ن تا ئه به د جه لام

ده ریای په ڕ خرۆشکانگه ی په ڕ گه وهه ر

سه رتابه قه ده م زانست و جه وهه ر

په ڕ سۆز و په ڕ هه ست کانگه ی ئه ندیشه

خۆ وه فاداریت زوو که رد به پیشه

وه فا په رێ هۆز دۆسان و یاران

په رێ پێشه نگ و شۆڕه سواران

ئه ر سۆزی ده روون مه دا گه مارۆت

دیسان جۆش ماوه رد دڵه ی په ڕجه سۆت

مه شیای وه پێشواز ڕه نگین قه ڵه مت

مه که ردت باسی زام و ئه له مت

دۆسی تۆو قه ڵه م پاک و تاسه ربێ

یۆتان خه م وه ر و یۆتان یاوه ربێ

هه ر قه ڵه م زاناش نرخ و به های تۆ

په وچی په ی کۆچو تۆ که ردش ڕۆڕۆ

ژاکیان چون گوڵ ده فته ری ژینت

داخه که م چ زوو هه ستی به تینت

ئامێته ی گڵ بی و شیای نه تۆی خاک

عه لی په ی کۆچت په شێو و خه مناک

ئا..خ چه نی گێری نه تۆی گڵ قه رار

بێ ده سه ڵات وێم نییه ن ڕای فه رار

عه لی ئه شره ف.هوله ند

15-6-2003

…………………….

زایه ڵه ی نه ی

نه یچی به نه وای گه رمی شمشاڵت

باوه ر وه زوان خه م و خه یاڵت

ده رون جۆش ئاوه رد هه م ئاماوه کوڵ

لێده ر جه نه وای په ڕ جه سۆزی دڵ

لێده ر وه په نجه ی په ڕ جه ئه سرارت

باس و سکاڵای دڵه ی خه مبارت

***

دڵه هه م شه یدای ئه گریجه ی خاوه ن

پابه ندی وه فای لای لاره کاوه ن

گه رچی موبته ڵا به له رز و یاوه ن

چه مه ڕای سه یران ڕای هانه ساوه ن

سانه یچی بابه ی نه وای گه رمی نه ی

دڵ که یل و ماته ن باواچو ئۆخه ی

***

ئێشی یه کزامه ن ئێشی من و تۆ

به نه وای شمشاڵ به ڵکه م ساڕێژ بۆ

نه مه نده ن تاقه ت نه مه نده ن قه رار

په ڕبییه ن کاسه ی سه بر و ئینتیزار

لێده ر به زمێوه به سۆز و دڵگیر

مامۆسای زانای ڕه نگین په نجه ی ژیر

***

مه رسۆزی شمشاڵ بکه رۆم مه دهۆش

وه رنه دڵ دیسان هه م مه یۆوه جۆش

مه خابن ئه جه ڵ نه داش مه جاڵم

ڕای گورێزم به ست زوو مه ڕدش باڵم

نه وینام به چه م یارودیارم

کۆچ و هه وارگه ی لاده گاو شارم

***

گه رچی ئاواره و دوره وه ته نم

خاکی غه ریبی بییه ن مه سکه نم

له شم زیندانی ڕۆحم جه لاته ن

حه ز و ئاواتم تاسه ی وه ڵاته ن

نه ی سه رای چۆڵی دوره مه زارم

سڵام په رێ تۆ ئه ی پاوه شارم

عه لی ئه شره ف -هوله ند . 20-1-2004

هوله ند و هه ورامان

جوانترین سروشت له م ڕوی دونیایه

گوڵ و سه وزایی زۆرباسه فایه

ئاسۆ پڕاوپڕ خه رمانی گۆڵه

موژده هێنه ری شادی بۆدڵه

گۆڵاڵه سوره ی بۆنخۆشی به هار

ده ڕفێنێ دڵی عاشقی دڵدار

سروشت وه ک بوکی به غه مزه و نازه

ئاوێنه ی جوانی ونهێنی و ڕازه

ڕازی ڕزگاری و سه ربه ستی ئینسان

ڕازی نه مانی تاریکه شه وان

ڕازی ڕزگاری ڕۆژه له گه ڵ شه و

ڕازی ڕاپه ڕین هه ستانه له خه و

ناکرێت وه سفی ده ریای بێ سنوور

ده سته ملانی مانگ له گه ڵ تیشکی نوور

سروشت هه رهه موی مه ستی جوانی یه

خۆشه ویستی یه شادومانی یه

به ڵام دڵی من پتر له جاران

به دابڕانی له کۆڕی یاران

بوه ته هێلانه ی خه م و ناشادی

هه مو هیوای من هه ر نامورادی

شێت و تامه زرۆی وه ڵاتی جوانم

گه لێک به تاسه م بۆ نیشتمانم

شه یداو مه جنونی شه وبۆی کوێستانم

تینوی شنه بای به ره به یانم

کام گیا بۆنخۆش کام گوڵ زۆرجوانه

ناگاته جوانی بۆنی بۆژانه

چه ند زوو تێپه ڕ بو عومری بێ سه مه ر

تێر نه مکرد بۆنی عه تری وه رکه مه ر

وه سیه ت بێ یاران وه رزی به هاره

کاتی سه یران و گه شت له گوڵزاره

به ره به یانان هه وارگه ی ویمیر

چاوه ڕێتانه گه نج و لاووپیر

ئه مجاره ش کاتی دیداری ڕژه

داوێنی کوێستان به ته م و مژه

هه موی جوانی یه به شی لاره کاو

قیبله ی دڵداران ڕێگای هانه ساو

هه ڵمژن هه وای کوێستانی شاهۆ

دێته گوێم هاژه ی به فراوان له نۆ

هه موی جوانی یه ئه وچه م و دۆڵه

گوڵزاری بۆنخۆش له پیازدۆڵه

له بیری نه که ن ده شتی مه نده جۆ

ده خیله یاران مه مکه ن ڕه نجه ڕۆ

ئه مجار گوزارێک به ره و که نده ڵه

عه تری سۆسه ن و بۆنی هه رمه ڵه

کانیاوی شاهۆ و کانیاوی پوینه

سه رجاوه ی ژین و هیواو ئه وینه

ته وافی مێردۆک زه روره یاران

ژوانگه ی عه شقه و قیبله ی دڵداران

قاسپه ی باڕه که و دێته گوێم دیسان

له به رزی لوتکه ی چیای که ڕیسان

سه یران له په نای چه مه ی میرئاوا

له ژێر ئاسمانی پڕ خۆره تاوا

هه مو شاکاری سروشتی جوانن

بناغه ی ژین و مه ڵبه ندی ژوانن

ماڵئاواییتان لێ ده که م یاران

به سینه ی پڕسۆز دووچاوی گریان

عه لی ئه شره ف ، هوله ند 1-4-1989