ههی قبیلهگا ..!! .... کهمال هۆرامی

بێنازه ، خهم ڕهمنه ، ویرشیهکهم .. کهساسه ، دڵ پهڕ حوزنه ، برینداره ، شیرینهکهم .. مزانو ، خهمتار جهزوو ، تۆشه پهڕکۆ .. بهڵام ئیسه ، بازاڕکهساس نادیارهنی ..

زهمانێ زوو ، شکؤداریت تاجهو سهرهو گردیمابێ ، جاگهت ڕؤح و وێنهت پهڕ ڕهنگ جه زهینهنه ، ژاکیایت بڤه ، دهس نهبهرده .. کهس نهکهرده ، مایه و وهشی ژیوای بێنی .. ئاااخ که ئیسه بێیار بێکهس ، خهمبارهنی .. !!

جه ویهردهنه ، بییهیت بیه و گردیما بێ .. وهشیت ، خهندهران و بهزموڕهزمو سهیروسهفات ، هێما و دهردهدارا و گرفتبارا و بێنهوایا بێنی .. کهچی ئیسه .. وێت گرفتار ، وێت دهردهدار ، بریندار و جهستهت پڕزام ، چارهت ژاکیا ، لهشولار هیلاکهنی ..

ههی نهرمهگؤ ، شیرین کهلام .. خاستهر ئیسهیچ ، سهرهحاڵ و بێدارهنی .. پێویستو تؤ ، چارهسهرت ، بهرههم ئاردهیت .. ههتوانێنمێ .. ههرچهند ئیسه ، کهم .. کهم وهفا ، نهزان ڕهفتار ، بێ ئهندێشه ، سهروسیما وهیوهڵوکێ ، ناواخن پوج ، شهرمئاوهر گفتارێنمێ ...

ویهردهت ماچؤ : بانگو من بانگهواز و نهتهوێ بێ ، هانام ، هانا و خهڵکێ بێ لانهیی و بێزوانی ..

مێوه ویرتا ! چهمێتا نابینا و زوانتا فهلهج و لاڵێ بێندێ !..  ویرتاشیهن ! وهردهمو شاڵاوه و ئایرهمهل و کولانه ، زهلیل و دهسهپاچه ، ڕانیشاندهر ، چهمساخ ، کلکو تهوهری بێندێ !! .. ئااای کهشهرمهندهن تاریخ ! ئیسه شمه وڵات پارێزێو نهوهکێ من ( کافرێو جیاواز وازێو ناپاکێنێ ) ! ئینهن سهمهره و دنیای !!

ئاخر گهر مهزاندێ دهنگو من چهند دلێر بێ ! گۆشدهیدێ بهچریکهو بهرزهچڕ و دلێ گۆرانیهکام ! گهر ئازادی تواناو جهستهی مهشناسدێ ، تهماشه و سهما و گڵوه و دلێ سیاچهمانهیم کهردێ ! گهر ئاواته وازێندێ هونهر و کاری پهی پهنهبهردێ .. ئانه هونهروکارو کڵاشی و شاڵی نمونهییم .. گهر گهرهکتانه کێبهرکێ مرؤ وسروشتی ویرنه کهردێ ، تهماشه و کهڕهك ، فهرهنجی و دهسو پهنجه و تهلارسازی ساڵههای ساڵه و ویهردهیم کهردێ ! خۆ گهر گهرهکتانه خهرمانهو ئهدهبیم بشناسدێ ئانا شارا و واتیلهکام .. گهر ئارهزویچتانه به کهڕیو کۆری مهندێ ، دهها ئانه گۆچانه و دارو نهرهیم ...

هؤ قیبلهگا ! دڵپهڕه حهسرهتکێشهکهم  !!

مژده .. مژده .. دیسان مژده ... چێگهوچاگه گۆرانییه و چهنی ژیومێ؟ ئهی چێش کهرمێ ؟ چهنی توانا بهکاربهرمێ؟ مێنه گؤش و چهنی وهڵامهکهیش مژده و ههتوانکهرده و زامهکاش هورگێرتهنی ..!!