پێشمهرگایهتی ، بازاڕێك بۆ بازرگانی دهسهڵاتی سیاسی کورد !! ..... کهمال ههورامی

ههرچهنده بهدرێژایی سهدهیهك له تێکۆشان و گیانبازی نهوه لهدوای نهوهی کورد جگه لهگیانبهختی و خۆ کردنه قوربانی ، هیچ ئاکامێکی بهرجهستهکراوی بۆ کورد نههێنایه پێش . بهڵام درێژکردنهوهی کێشه ڕهواکهی کورد لهسهر دهستی ئهو تێکۆشهرانهی گیانیان بهخت کرد و بهوانهشهوه لهو ڕێگایهدا تهمهنیان پێشکهش کرد و بهڕێکهوت شههید نهبون ، لهخۆیدا دهسکهوتێکی زۆر گهوره و پڕ بایهخی نهتهوهی کورده کهههرگیز ناکرێت بههیند نهگیرێت و فهرامۆش بکرێت . بهجۆرێك لهو باوهڕهدام ههرکهسێك ئهو ڕاستیه نهبینێت بهشێوهیهك لهشێوهکان کهم ئهندام و نابینایه .

هاوکات ههر لهناوهڕاستی سهدهی ڕابردودا زارهوهی ( پێشمهرگه ) کهوته نێو ئهدهبیاتی شۆڕشگێڕانهی کوردهوه که لهباری مهعنهویهوه ڕهنگه زیادهڕهوی نهبێت گهر بڵێم : هاوشێوهی کارخانهیهك خۆبهخۆ تێکۆشهری بهرههمدههێنا . چونکه لهگهڵ تێهپهڕبونی زهمهن و جێخۆشکردنی لهنێو ههناوی کۆمهڵگهدا ، بویه خهسڵهتێك بۆ پێدانی مانای ( بون ) له ( بونی ) نهوهی نوێی کورددا . واته لاوهکان ئهو کاتهی ههستیان بهبونی خۆیان دهکرد کهببنه پێشمهرگه .

بۆیه ئهو زاراوهیه بههیندهی سهدان کادری چالاکی ههر پارتێکی شۆڕشگێڕ ، کاریان له بڵاوکردنهوهی بهرنامهی حزبیدا ، بهمهستی کۆکردنهوهی ههوادار و لایهنگر و جۆشدانی جهماوهر بکردایه ، کهچی لهبهرامبهردا ( پێشمهرگایهتی ) لهوان زیاتر جهماوهری جۆش دهداو کهمهنکێشی پارته سیاسیهکانی دهکردن .

لهگهڵ ئهوهشدا بۆ ههرکهسێك که نۆکهرایهتی دوژمنی بهشێوهیهکی ئاشکرا دهکرد و دوژمن لهدژی پێشمهرگه بهکاری دههێنا ، لهلایهن خهڵکهوه پێناسهیهکی قێزهونی پێدهدرا و به ( جاش ) ناوزهده دهکرا . واته له بهرامبهردا هینده زاراوهی ( جاشایهتی ) لهنێو زهنیهتی خهڵکدا قێزهون و بێزراو کرا بو ، گهر کهسێکیش مهیلی بکردایه نهك بهتهنها لهترسی پێشمهرگه و شۆڕش ، بهڵکو لهترسی نیگا قێزهونهکانی تهنانهت ئهندامانی خێزانهکهشی وێرانی ئهوهی نهدهکرد بهئاسانی ببێته ( جاش ) .

ههر بۆیه بۆ دوژمنانی کورد ئاسان بو بهمهبهستی لهناو بردنی پۆلێ پێشمهرگه ، ناوچهیهك بسوتێنن . بهڵام ههرگیز پێیان نهدهکرا نه پێشمهرگایهتی لهناخی کۆمهڵگهدا بکوژن و نه جاشایهتی ئاسایی بکهنهوه . لهو پێناوهشدا ههوڵی زۆریاندا تاوهکو زاراوهی پیرۆزی پێشمهرگه ، بهزارهوه بهدهکانی وهك ( تێکدهر ، یاخی بهباره نهرێینهکهیدا ، بهکرێگیراوی بیانی ... هتد ) ناشیرین و سوك بکهن . بهڵام بههیچ وهجێك له زهنیهتی خهڵکی کوردستاندا ئامانجیان نهپێکا . سهبارهت بهناوی بهدی جاشایهتیش تێدهکۆشان به زاراوهگهلی وهك ( مهفرهزهی تایبهت ، فهوجی سوك ، سوارهی سهلاحهدین و سوپای گهل و .. هتد ) لهزهنیهتی خهڵکی کوردا ئاسایی بکهنهوه . بۆ ئهمهشیان ههرچهنده لهناوهڕاستی ههشتاکاندا بهڕێپێدانی پارتێکی بهناو سیاسی کورد لهدژی پارتێکی دیکه کرایه دیارده ، بهڵام ههرگیز دوژمن لهئاسایی کردنهوهی جاشایهتی لهزهنیهتی خهڵکی کوردستاندا سهرکهوت و نهبو . لێرهشهوه دوژمن لهبهردهم ئهو هێزه مهعنهویهیی خهڵکی کوردستاندا کهپێشکهش بهههر کهسێکیان دهکرد لهڕیزی تێکۆشان دژ بهدوژمنان دهجهنگا ، گیری کردبو ..

بهڵام جێگای داخه وهك زۆر شتی دیکه ، دهسهڵاتی سیاسی کورد نهیتوانی بهشێوهیهکی تهندروست پهیوهندی

لهگهڵ ئهم چهمکه سیاسیه شۆڕشگێڕانهیهدا بکات . بۆیه نهك بهتهنها ڕهنجی پێشمهرگهکانی ئهم سهردهمهیان بهخهساردا ، بگره پهیامێکی خراپیشیان ئاراستهی ههمو ئهو تێکۆشهرانهی کهلهسهردهمێکدا پێشمهرگه بون ، کرد. بهجۆرێك پێیان وتن گهر ئێوهش لهژیاندا بونایه لهجیاتی ههمو پێزانینێك زوخاومان دهرخوارد دهدان . ئهمهش لهکاتێکدا بهو خراپ ههڵسوکهوتکردنهیان چهمکی ( پێشمهرگایهتی ) لهناخی خهڵکدا زۆر خراپ جێ لهق کرا . بهجۆرێك جێگای ستایشی دوژمنانی کورده . چونکه ئهوهی ئهوان پێیان نهدهکرا و لهبهردهمیدا دهسته پاچه بون بهداخهوه کهدهسهڵاتی خۆماڵی کوردی بۆی تهواو کردن .

لهو گۆشه نیگایهشهوه پێشمهرگایهتی بۆ ئهو پێشمهرگانهی ئێستا لهژیاندا ماون هیند خراپ کهوتۆتهوه که له نێو خهڵکیدا باسکردنی بۆته مایهیی شهرم و شورهیی ، ههر بۆیه پێشمهرگه دێرینهکان لهئێستادا بهشهرمهوه باس له باشترین بهشی تهمهنیان که پێشمهرگه بون دهکهن .

ئاخر پاش ئهوهی خهڵکی کوردستان لهسهر ئاستێکی بهربڵاو دهبینن که نهك ههر یهك ئهژمارده بۆ پێشمهرگه و جاش دهکرێت ، بهڵکو لهزۆر شوێندا زلهجاشهکان بهرپرسیاری پێشمهرگه گیانبازهکانن ، موچهی کوژراوهکانیان لهموچهی شههیدهکان زیاتره ، ههروهك چۆن ڕێزی خۆیان و کهسوکاریان لهڕێزی پێشمهرگه و کهسوکاریان زیاتره . بهجۆرێك بۆ بینینی سهرکردهکان لهلایهن پێشمهرگهوه دهیان دهرگای کڵۆم دراو لهپێشیانه ، کهچی بۆ زلهجاشهکان ههمیشه دهرگایان کراوه و لهسهر پشته . بهچاوی خۆیان دهبینن کوژراوی زلهجاشهکان بهئاڵای کوردستانهوه دهپێچن و کهناڵهکانی ڕاگهیاندنیان چهند ڕۆژێك سهرگهرمی پیاههڵدانیانه کهچی کهسێکی وهك ( عوسمان موکڵیش ) شههید دهبێت ، بهڕستهیهك ( بههۆی دوژمنایهتی عهشایریهوه لهنێو بازاڕی پێنجوێندا شههید کرا ) تهواو دهبێت . ئهمه جگه لهوهی ههڵسوکهوتی چهند پێشمهرگهیهك که بهپهنجهکانی دهست دهژمێردرێن ، زۆر نهشیاوه . ئیتر خهڵکی کوردستان ناههقی نییه جیاکاریهك لهنێوان مانای پیرۆزی پێشمهرگه و مانای قێزهونی جاش نهکات و بۆ زۆر جاریش له مانادا جێگۆڕکێیان پێ بکات .. !

لهو ڕوانگهشهوه که سهرهڕای ئهوهی تێکۆشهرانی کورد لهوێنهی پێشمهرگهدا بهدرێژیی بزوتنهوهی کوردایهتی ڕهنجی زیاد لهپێویستیان پێشکهش کردوه کهچی بزوتنهوهکان بهئاکام نهگهیشتون ، ئهوا ههمو تێکۆشهرهکانیش که بهڕێکهوت لهمهیدانی خهباتدا شههید نهبون ، هیواکانیان بونهته خهم و حهسرهت و پایزی تهمهنیان پێ بهڕێکردوه . لهو ڕێگایهشهوه زوربهیان خهون و خهمهکانیان بردۆته ژێر گڵ .

ههر بۆیه ئهوه بهتهنها ئهم ژماره پێشمهرگه دێرینانه کهمهی ئێستایه ، زهمهن لهبهرژهوهندیاندا ههڵسوڕا و لهگۆڕنانی دوژمنی سهرسهختی خۆیان بهو شێوهیه بینی کهچویه نێو زبڵدانی مێژوهوه . لهگهڵ ئهوهشدا بهرژهوهندی ئابوری و دبلۆماسی و ڕۆحی سیاسهتی سهردهم لهگهڵ تێکۆشانیاندا دروست هاتهوه و دهرنجام جۆرێك لهدهسهڵاتی کوردی لهبهشێکی کوردستاندا هاته بهرههم . لهم دیدگایهشهوه پێشمهرگه دێرینهکان لهئێستادا ، لهبهردهم بهرپرسیاریهتێکی مێژویی و نهتهوهیی زۆر گرنگدان . چونکه خۆبهخۆ بونهته میراتگری کولتوری ( پێشمهرگه ) لهمێژودا ، بهجۆرێك سهرجهمی ههر ههڵسوکهوتێك گهر بهدروستی لهگهڵیاندا بکرێت کردهیهکه لهگهڵ ماناو مهغزای پێشمهرگه و پێشمهرگایهتیدا دروست دێتهوه . ئهمهش بهمانای ئهوپهڕی هوشیاری دێت بۆ پهیوهندیکردن لهگهڵ چهمکی ( پێشمهرگایهتی ) دا و لهخۆیدا ڕێزگرتنه لهتێکۆشانی ههر کهسێك که پێشمهرگه بوه . ههروهك چۆن به پێچهوانهشهوه ههر کردهیێکی ناشیا و ناپهسهند بهرامبهر پێشمهرگه کهدهکرێت ، جگه لهوهی تاوانێکه بهرامبهر بهگشت تێکۆشهران له ئێستادا دهکرێت ، لهگهڵ ئهوهشدا بێڕێزی و ئازاردانی ویژدانی ههمو ئهو تێکۆشهرانهیه که ڕۆژێك له ڕۆژان پێشمهرگه بون . کردهیهکی لهو جۆرهش جگه لهوهی لهدیدێکی تهسکهوه سهرچاوه دهگرێت هیچ ڕاڤهیهکی دیکه ههڵناگرێت .

لهدهرنجامی ئهو تێڕوانینهشهوه ئهوه ساخدهبێتهوه که پێشمهرگه دێرینهکانی ئێستا ، ئهرکێکی ئهخلاقی و مرۆیی و نهتهوهییان لهئهستۆیه که پێویسته بههیچ شێوهیهك ڕازی نهبن ئهو ههمو بێڕێزیه بهرامبهر بهخۆیان و هاوڕێکانیان بکرێت . لهوهش دڵنیا بن که هیچ پاساوێکی سیاسی بۆ ئازاردانیان ڕهوا نییه .. بۆیه پێویسته لهبهرامبهر ئهوهی ههر چوارساڵ جارێك یان ئهو کاتانهی پێویستیان پییان ههیه لههۆڵێکدا کۆیان دهکهنهوه و گهمهیان پێدهکهن و دهیانخهنه مهزادی سیاسیهوه ، بهدهنگی دلێر هاوار بکهن و بڵێن چیکه ئهم ههمو بێڕێزیه بهسه ! ئێمه بۆ مافی ڕهوای گهلێك له سهختترین ڕۆژگاردا ( بهڵێ ) مان کردوه ، بۆ هیچ کهسێك نییه به بیانوی جۆراو جۆر و لهبهرژهوهندی تهسکی حزبایهتیدا ( نهخێر ) لهبهرامبهرماندا بکات .... !!