ههساریو کیشیا یوتهریچ مجیا

22/8/2008 بوبه تاریخیو که ئهنجومهنو هۆرامانی جه شارو یۆتۆبۆریهنه ڕهنگبوو جه داهاتوهنه یاگیوهفاداریبوو یادش کهروڤه، چا ڕونه هۆرامیو ماڵاوایش چهنه کهردیمی و سهفهرو ویش به نوبهتو ویش کهردش و لوا یاگی ویش. بهڵام داخه ئانینه که، خو گرڕویو کریو واچیو هۆرامیوی سهرانسهرو هۆرامانیهنه ئی کوچیه کهرو، ئیتر ئی کوچه ههرشیویو جه شیوهکاش بوو، بهڵام 22/8 ی هۆرامیو جه دورو هۆرامانیۆ کوچی ههتا ههتاییش کهرد جه دنیێ که به تاقی تهنیا وهشهویسیوش بهرپا کهردهبی دڵوخهڵکیهنه که ویرۆشیهیش ڕهنگبو فره زهحمهتبوو. پهی تهنها جاریویچ شناساییش چهنی یوی پیداکهردهبوو وهسیبیهن که ڕاویش دڵو ئا یویهنه کهروڤه، پۆکهی گرکهس داخدارو بائهسهفا پهی کوچو ماموسا جهلالی. گرکهس ئهجیش کاکه جهلال تهنها دوسو ئادی بیهن، ڕاکهردهیۆ ئینسانی دلی دڵو ئینسانهکا تهریهنه ههرپاسه ئاسان نیا، بهڵام پهی کاکه جهلالی یهک زهردهخهنه وهسیبی، وهشهویسی ویش ئیسپات کهردهبی دلی دوسو ههڤاڵو خهڵکی سادهیچهنه ، ههمیشه سهردهسهبی جه هاوکاریو یارمهتیدایهنه ، ههر پی میتودیچۆ لوابی گژی دڕندهتهرین ڕژیمیهره که سهرکوت کهرو تهڕو وشکیا وه حهتتا پهی لاڵکهردهو ئینسانهکا به گرد ویرۆکهردیڤۆ چهپهڵتهرین ئهنهیاوای بهکارئاری وه بهکار مارو. ماموسا جهلال هۆرامییوبی کۆڵش نهدا ، خهباتو ویش بهردهوام کهرد دهربازهو قهڵێوی فره سهختو سامناکیش کڤا ، که هۆرامانهنه سهرو قوله بهرزهکاوه پهرچهمهو ویشش چهقنێبیره، خهڵکو دهڤهریچ ڕیزش گیریو چهپڵی ئافهرینیش پهی کویی.

من ماچو مامۆسا جهلال :

یادو شمه

یادو ڕهنگهی گهشهو گوراڵه سوراو کویسانهکان

بوهو خاکو دماوارانو نیشتیمانیا (هۆرامان)

ماموسا... یادو شمه خهمو خواستو ناخو گهشو ههژارهکاو لاویمانه

دهنگدایۆ سرودو گرد میللهتیوی سهرسهختو کۆڵنهدهریا، خاس بزانه!

یادو تو ماموسا جهلال... ! وانایۆ شیعرهکا بیسارانیو سهیدیا

یادت بهخێر! یادت دهنگو سیاچهمانهو بهرزایهکاو هۆرامانیا.

ناکام لوای و کوچت کهرد

کوچهکهو تو ههساریوبی ههرویرهگا، زوزو کیشیا

پهی ههواری تازهتهری

پاهیوانا ئاههواره ههواریو بوو ، باخی سهوز بوو، یاگه وهشبوو، پڕسهمهر بوو.

* * * * * * * * * *

دماجار ماچو پهی گردیما:

ههژارهکا، بی لانهکا، دوروهڵاته هۆرامیهکا!

کهی دهسدهیمی قامچیهو قینی

کهی ئهسپو غهزهبو گردیما گنو حیلنای

ئهسپو ئیمه ئهگهر خاس خاس تاو نهدریو زینی بهزنو

دهمش ههرگیز نمارو وهرۆ پهی لهغامی

بهرمشو ملو... سواری گلنو

هۆ ههژارو داماوهکا هۆرامانی ههر کاروانیو پیشهنگهکیس شمه نهبیدی

بڕواکهردی مهیاڤو ڕا

هۆرامیه ڕهشوڕوتهکا ههرکهس ڕێبوارو کاروانیش شمهنهبیدی تاوانبارا

ههرکهس چڵوسکهو دلی ئارگێش شمهنهبیدی تاوانبارا

هۆ هۆرامیه کهڵپوس لهبهر... دیواخان کهشو کوکهمهر

دلی وهرواویو چنوریهنه ...چهننین ساڵین سهرماردی بهر

با بزاندی...

ههرکامتا ویشنهرمانو... دوسو وهروی، دوسو کهشا

هنو بهرهزای دوسو وهزا ... تاوانبارا

ههر هانیو شمه جویش نهبهردێ مهیاڤو یاگی مهخسهدی

که لافاویچتا روهکرهو نهیاراتا

ههرکام ئامیانو ههڵمهتیش بهسام نهبو

هۆرامیانهی تهمام نهبو.... تاوانبارا.

پسهو ماموسا جهلالی... زهردهخهنه ، سهرچوپی کیش

رهژبهڵهکچی تهنها ویشبی سهردهسهبی، پاریزگارو سیاچهمانهی تهنها ویشبی

هۆرامیانه هۆرامیبی ...ههساریوبی

بهبی ئادی ههسارهکی دۆروبهریش...بهتایبهتی هنهکهو پاڵیش.. زهوقشا نهبی.... شهوقشا نهبی

بهلام سهد داخ ئا ههساره

ماموسا جهلال

فره زو کیشیا ...ئهویتهریش ئاستی جیا

چهمشا مجیا.

* * * * * * * *

هۆرامان عبدالرحمان

سوید / لوند

04/09/2008