دوئ شيتي عاقلي!

 

كه مته ر كه سيوه هه ن كه جه وه لاتو ئيمه نه ژيوا بوو ناميو شيرين وفه رهاديش نه ژنيه بو، خه جيو سيامه ندي وه رده ، ليلي و مه جنوني گردكه س مه ژناسو، ئه حمه دي خانيچ به و په رو زه ريفيوه باسو عشقه كه و خاتو زينو كاكه مه ميش په ي كه ردينم.

 

 به لام كه مته ر كه سيوه هه ن كه باسه كه و گالانو وه هاريش ئه ژنيه بو.

 

ئه لبه ت بيگانه بيه ي ئي دوه به شه را په ي فره ومه ردمي ، به تايبه ت په ي خه لكو هه وراماني هوي تايبه تيش هه ني. يو چا هوووانه ئانه نه كه گالانو وه هاره به باسومه ردمي شيتئ  بيني .

هوكي ته ريش ئانينه كه ئادي جه ده هاتيوه و هه ورامانيه نه ژيويني، هوي دماينه ش تاوو

ئاني بو كه ئادي عاشقو يه كتري نه بيني، وه هاره عاشقه و شاهوي بيه بي ،

 نه ياوايبي په نه ش، ليوي بي . 

هه مسامان بي.  چه ني ئه دا پيره كيش ژيوي، يانيوه خنجيلانه شان بي.

 

ته مه نش به ينو سي تا سيويه ري بي ، بالابه رزيوه باريك ئه ندامه.

 

بنه ماله و وهاري يو چا بنه ماله عالماو ده گاكي بيني، وه هاره ديوانو حافزيش حفز بي.

هه ر ساتيوه دلش ته نگ بياي ، ئه وه ل دلو ويشه نه فالئ وه گيريوه، دمايچولاپه ريوه جه

ده فته رو ديوانه كه و ئا پيره يه وانيوه.

 

به داخه وه ئا ساته من ته مه نم كه م بي.  ئا ژه ني هيچ خراپي وه ش په ي من نه بي،

 به لام وه رش ته رسيني، ديه بيم جاروبار ئه دا پيره كيش كوشي،

 ته رسه كيم چاگو يئ.

 

مه شيو ئا توره يه چن گه وره بيه بو كه وه هاري پاسه ديوني ئه دايش كوشو.

 

چي ئا خرو به باسو مه ردمي ته مام تيكه له بيه بي ، يه كو دوي باري به رديبيشان

په ي شيتخانه و همداني ، (من په نه م وه ش نيه ن وه ها ري به شيت نامي به رو ، چونكه

من پيسه و ويم هيچ كات به چه مو شيتي وه نه دينه م) ئه ري دكتوره كا واته بي ئي خانمي

جه ئيمه يچ عاقلته ره نه.

 

چي ئاخرو ئه ژنيه بيم لوايني هيجويش په ي گالاني، واته بيش، بيان پيگه ره كه روشان به په نگه .  منو گالانه شيت؟ وه هاره گالانش په نه شيت بي ، ياني واچي پيسو پوخله ن،

ئاخر گالان چي ئاخرانو هيچ نياوي ويشه ره .  تازه وه هاره عاشقه و شاهوي بي. هيشتاي نه قشي كيشي كه چه ني بياوو په نه ش. (من قه د نه زانام عاشقه و كي بي)

 

 

گالانيچ كه كه نجيوه تازه په نه ياوابي، جه ئه نجامو قوميائ چيويوه كه هيشتا په ي من روون نه بيه نوكه ئا چيوه چيش بئ ؟ شيت بي .

 

گالان كوره فه قير بي ، سه ربارو گردي باواژه نيچش بي، بابه و گالاني فره ده س ته نگ بي ، زاوروي ورديچش بيني!

 

گالان خه ريك بي ئاخر سالو مه كته بي واني ، فره زيره ك بي ، تازه خه ريك بي نه قشي

كيشي په ي دمارويش.

 

ئه گه ر ئا چيوه كه گالانش شيت كه رد نه قومياي، تاوو واچو كه گالان بي به يو چا پيا خاسا و ئا دهاتي، من خاس ئه ژناسينيش، ته له به ي پا زره نگيمه نه ديه بي، فره ئارامو

بي ده نگيچ بي .  فه قيري و ده س ته نگي ته مامو هه سته زه ريفه كاوگالاني گه نجيش

كه رديبيني به بي ده نگي و گوشه نشيني.

 

گالان تيك شيه بي . فره  توره يچ بي، ده س شاني وبه رشي . ئاخر ئا گرده به د به ختيشه

كيشايبيني تا ياوابي ئارو كه تاوو داهاتو ويش دابين كه رو، يه ك دفعه ئا چيو ه قوميا.

 

واتشان گالان شيت بيه ن. نا ويرمه نه چي ئاخرو قفلو زه نجير شان دابي ئه و پانش، جارو بار ويچش خوويوه پا وزعي.

 

پاسه بزانو فره ته ر ئا نه بي وه هاره ش ئاير دابي. نا ويرمه نه  رويوه وه ليو ئانه يه گالاني به ران په ي لايش ويش روت كه رده بيوه . ئا كاره شه ئه و گلايه كه رده ي شي،

ئه لبه ت ئه وه ل هاتو چوو كه ري ، بانجه له كه شانو ، كه وايوه سه رتاپا ره شش

 وه ره نه بي ، هه ر پيسه و شيتي ي و لوي،،،،،،،،،،

 

جارو باريچ ته ماشاو ئاسماني كه ري، هيچ نواچي ،،نا ويرمه نه دو يه ري باري تفش

 كه رد زه ميني، ئه ها تو چه ني يو ته ري قسي كه ري ، ئه ها ته ره في مه حكوم كه ري به چيويوه ، كابرايچ ويش قه بول كه رو كه حق به تون، كابرا خراپه ش كه رده ن يا درويش دايني، تويچ حه قت هه ن هه رچيت په نه وه شه ن به قسي يا كرده وه په نه ش

كه ري ، ئه ها به جياتي گرد چيوي دوي تفي كه ري چه ماش، ئاديچه پاسه نماني. ئاخر

وه ليو تفه كا قسي كه ري ، پرسياري كه ري، واچي تو، ياني چه ني به شه ريوه ته ري

قسي كه ري ، چه ني خواي نه وي ، ئاخر ئاده خواي به خوا چري.

 

ئه ري واچي ياني ئي گرده وعده وعيدئ دروي بيني؟ ئه من په ي كي لالينيوه وه نه ت؟

  هه والو كيم چه نه په رساي؟مژده ، مژده، ئينه بي مژده ت؟ گالانه شيت؟

اووووووووووو  ياگي شابازان كور كوري وازان!!!!

 

  پاسه بزانو چه ني حافزي كژيه.

 

 ئاخر ئاده ته نيا چه ني يه ري كه سا هه م قسي كه ري  هه م گژيه. ئا يه ره نه فه ره يچه كه س نه وي جز ئه دايشو، خواكه شو،  ويش واته نيه حه زره تو حافزي.

 

 

من تازه زاناو كه حافزيچ گه ره كش نه ويه ن دلش مارو،واته  نش با دلش وه ش كه رو!

ئاخر پاسه بزانو شاهو مه رده بي ، وه هاره باوه ر نه كه ري ، هه ر ماتله بي رويوه شاهو

به ي په ي لايش، چه ني ويش به روش په ي دليو باغچه و عه شقو وه شبه ختي.

 

 

سه ره تان نيشنو، ويش روت كه ردو، روتي روت . به روتي يه ري چوار ده وري خاسيش دايوه ، يواشيوه لواوه  دليو يانه كه يشان ، هه رچي ياگه و بان بي ئاوردش به ر

گرديش وستي په ي مزگيه كه ي كه وه رو يانه يشانه نه بي، وه ليو ئانه ينه كه ياگه و بانه كه ي وزو په ي مزگيه كه ي واچي به يتو الله ويت گيره ئاما، يه خيو ئاديچيش گرته

.

بريو چژمانيش داي به خواو اسلاميچ، چه و لاوه ئه داش ئامه ، واچي روله عه يبه نه ،

 زاني تو كناچيو كيت په نه مواچان، ئابرومان لوا، چي قسانه كه ري كه وه هاره به

 په لاماريوه گرته ش،  بانو ئالوچناشه ره ،ريك پاساروبانو يانه و هه مساكه يشانو كه گني سه رو مزگيه كه ي، واچي من مه وزوت واري با خوا نجاته ت دو، خوا، خوا،

كه س پيسه و من لاليانو وه نه ش؟ كون؟ كون جواو؟ 

 

دوي يه ري پياي ئامي ئه داكيشان نه جات دا. ئا رو وه هاره ئينده توري بي كه گژيا چه ني هه ر يه ره ره فيقه كاش خواو،ئه داشو،حافز. فره

  فره ته ر ده سو خه لكيوه توري بي ، حه قيچش بي ، ئاده ويش په ي شاهوي نيابيره

  خه لكي گه ره كش بي به زور داش به گالاني.

 

 

قه رار بي سه واي دماو نماو جومعه ي گالاني كه ران به زه ما، بري وه جه  خه لكي كه ويشان به زاناته ر زانيني واته بيشان خو وه هاره ويش يانه ش هه ن ، گالاني مه وه رم

په ي يانه و ئادي.

 

 

نماو جومعه ي تمامه بيه ، نيمه و خه لكه كه ي يه ك راس دماو جمعه ي ئامي بيني په ي لاويانه و ئيمه، واتم وه هاره هه مسامان بي.

 

 

 

 

وه هاره پيسه و هه وراو وه هاري گرمه ش يي، توري بي ، ئا ميله ته بي عقله يچشه

ديه بي . هه م ته رساي بي ، هه م توري بي.

 

 فره ش په نه نه شي گالانشان ئارد، پايشان به زه نجير بينا بي.

 

 ريك لاو يانه و ئيمه نه زه نجيره كه شان كه ردو ، خواي خوي،،، لاپيچيو ده سشو بي، ئه وه ل وه شيش بي ، په ي ئادي خاس بي ، جه بي يانه يي خاسته ربي،

 شايه د جارو باريچ چاشتي گه رمه ش وارداي. كه زاناش وه هاره تورينه

ته رسا ، گيلاوه ، خه لكي به زور به ردو ، ئي بار كه ميو ه نزيكته ر بيوه ، وه هاره

 كه وته شونيش، ئاديچ الفه رار،،،، گالان به شيتي ويشو زاني ئا گرمه گرمه ئه موسيقاو

ياواي به عه شقي نه مه شو ، ئيسه خو ويش عاشق نه وي به لام خشونه تي خاس

ئه ژناسي.

 

گالان وازش ئارده بي خه لك واز ناري، نه ليني، وه هاره عاقله بي ، زاناش خه لكه كه

هه م ديس گالاني ماراوه ،ديسان ويش روت كه ردو ، گرد به توبه ، توبه لواي.

 

مه زانو واچو وه شبه ختانه يا به داخه وه كه وه هاره و گالان په ي هه ميشه ي ئيمه شان

ئاستينم جيا.

 

من ئا دووه به شه ره يه پيسه و دوي هه ساران وينو، يوشان نو عه شقي ، ئه ويته رشان

هه ساره و سياه چاره يي . ئيسه ئه گه ر هه ساريو بو پا ناميچو، كه امكانش فره كه مه ن!

 

 

دلاوه ر 2009-01-07

 

سوئد