بورسیا
تازە
بیەبێ مودیر،
ئاخر وڵاتوو ئێمەنە
هەرکەس دەرسوو
زارۆڵاش بدایە
پەنش واچێنی
ئاغەی مودیر!
هەر ئانەیش بێ
کە خەڵکی وەشش سیىْ،
ئاواتوو زارۆڵەییش بێ
زمسانە رۆنە چەنی
ئەدایش بنیشارە
وجە دِۆریە
شەق وشڕەکەو یانە
هەڕینەکەیشانە
کە هەڵای بۆو
ئاویەیش پێسە
عەتری! حەدو عەتری
نەبۆ! لووتە پەڕە
کەرىْ تەماشاو
پرشە و وەروىْ
کەرا، وەروە پەپوولە
ئاسا وبێ دەنگ
دەزگیرانەو
سروشتیش رازنێبێوە
وچەمەڕاو ئاهەنگو
وەهاری کەرىْ،
سۆبەکە جە گرمەگرمی
کەوتەبێ، مەشیای
باوەشێ هێزمیشا
جە هێزمە هۆرچنیەکاو
گەوڕی پەی
ئاردێ تا گۆرانییەو
زمسانیشا پەی
واچۆ، جە پڕ ئەدایش
بە دەنگی بەرز
چڕیش:
- رۆڵە گیان
سۆبەکە کوشیاوە،
ئازا
دوێ قۆتەرێ
عالێش وزەنە
پێسە واچی
کارو گرد ڕواشبۆ،
بێ سێودوو هۆرزا!
ئاخر فێر بێ؟!
چونکە جە مەدرەسەو
لادەگاکانە مودیر هەم
هێزمی ترەکنۆ
هەم سۆبەیش گەرمکەرۆ
پەی محەسڵەکا!
هەڵای
دەسش نەبەردەبێ
پەی هێزمەکا میزە
میزێ کەوت گۆشش!
- ئەدا گیان
باوڕت بۆ میزە
میزێ مەی دلێ
هێزمەکانە؟!
- رۆڵە گیان
وەهمی کەری، میزەو
چێشی؟!
بەڵام
تا دەس بەرۆ پەی
هێزمەکا دیسان میزە و
هاوار ؟ ئابا
خاس بدیەو؟!
ونی! ونی چێش کەرۆ چێگە ؟!
شۆنەو
ونەکێ وەسێبێ
پەی ئێستەو ئا
گیاندارەیە!
تن
بەرەکەش کەردۆ
وبە پەشۆکیاییەوە:
- ئەدا !ئەدا!
تووتە کۆڵە!؟
زامدارشا کەردەن؟
- رۆڵە گیان مشیۆ
زارۆڵا تار نیا بۆ
؟حەیوەتییەنە
خزان چێرو هێزمەکان،
بەشکەم بەرشکەری
سپڵۆتەن !
هەرسەو
چەماو مودیری
فوارەشا کەرد
واری و بە دەنگێ
پڕجە بوغز وکینەوە:
-شەلەمین
وگۆشتەکە کۆن
؟!
- رۆڵە گیان
تریت وشوتش پەی
بەرە!
ئاغەی
مودیر بە تامەزرویی
تریت وشوتەکەش
پەی بەرد، بەڵام
تووتەکۆڵەکە
بە دیەو بەشەرەکا
وێش حەوت وڵێی
شارێوە ؟!
بێچارە
مودیر، بە چ
زوانێوە واچۆش پەنە
کە گەرەکشا
خزمەتشکەرۆ؟
کووت
کووت، نا! ئایچ
زوانوو بەشەریا!
بەشەریچ زوان ودڵش
یۆ نیا ؟!
بەڵام
مەکریۆ هەرپاسە
ئاورا و تەژنە
مەنۆوە!
مودیر،
شوت وگۆشت، شەلەمینە
ونانە رەقە منیۆ
وەرودەموو
تووتەکۆڵەی و
پێسە شێتی بانە
وبان وکوجیاو
کوجی:
زارۆڵا،
محەسڵا! خوا مەرگوو
ئاکەسیە بدَۆ
عەزیەتوو ئا
تووتە کۆڵەیە کەرۆ؟! مەگەر
مەزاندێ مەبۆ
ئازارو گیانەوەران
بدەیمێ!
-ئاخر
مامۆسا ئەدا و
تاتەمان ماچا
تووتە سپڵۆتا!
مشیۆ کوشتێش
ودوورش وزدێوە
؟!
-مودیر بەتووڕەیی:
نا پاسە نیا،
ئێمە مشیۆ چەنی
گیانەوەران مێهرەبانێ
بیمێ.
مودیر
ئینەش
واتوو
ئازا پەی یانەی.
ئەرێ!
خواشوکر ؟
تووتەکۆڵەکە
بەرئامان،
کوچالێوە خۆراکش
واردەن! بەڵام
با ئەدام نەزانۆ وجامولێوە
ئاویش پەی بەروو!
ئاخر ئادە ماچۆ
تووتە تەقۆ هەر
چێویۆ ئا چێوە
سپڵۆتا!
خوازما ئا چێوە
کاسە وکوچەڵە
بۆ! ئانە مشیۆ
حەفت جارێ بە
خاکە سوورە سپڵۆتیش
بەر کەری!
بەڵام
ئی عەقڵیەتە
کار مەکەرۆ سەرۆ
نەوعدۆستی
مودیری، ئازا
جامڵێوە ئاویش
پەی بەرۆ، بێ زوان
هەڵای متمانەش
نیا بە ئینسانی!
هەرکە چەمش گنۆ
بە ئاغەی مودیری
وێش شارۆوە!؟ ئاغەی
مودیر مەنەبێوە
چێشکەرۆ تا
متمانە بەخشۆ
بە تووتەکۆڵەکەی،
ناگا ئەداش بەدەنگی
بەرز چریش:
-رۆڵە گیان
کارو وکاسپیت
بیەن ئی تووتەکۆڵە،
وەسێن ئیسراحەتت
گەرەکا، سەبای
ئەوەڵو
وەختی مشیۆ
بلیی مەدرەسە!
ئا
شەوە فیکر وخیاڵو
مودیری
لاو تووتە کۆڵەکەی
بێ و ویرو سەحبی
کەرێ چێش واچۆ
بە مەدرەسەیەکا
تا دەس جە عەزیەتو
ئازارو ئا بێ
زوانیە کێشاوە؟!
بەعزێوە کەلیماتێ
مەیا سەرو
زوانیش: (کووت
کووت سەگی من،
سەگی بازو رەشی
من، پاسەوانی
بەهۆشم، وەرە
بۆ ماڵو حەوشم،
ئەزانم زۆر
ماندوویی، شەو
ورۆژێ نانویی،
لە ترسی گورگە
هارە، ئەو
توند خۆی
تاوانبارە، نەکوا
بڕواتە ناو ڕان،
بڕفێنێ بزنی
شوان، کووت،
کووت ...).
ئیتر چا رووە
زارۆڵە مەدرەسەیەکێ
دەگای پەڕە کەرا
پا سروودی..،!
دماو چنە
رووا
تووتە کۆڵە چێر
و هێزمانە بەرمەی
و کەم کەم بڕوا
و متمانە بە
مودیری پەیدا
کەرۆ ؟!
مودیر
وەشحال ؛ ویرو
نامێش پەیکەرۆ:
بۆرە ،بازە،
گوردە ،گورزە
....
لاو
مودیری بۆرسیا
وەشتەرین نامێبێ؟!
ئیتر
فرەو وەختا چەنی
بۆرسیای خەریکوو
گەمە کەردەی بێ
إ
وەرووبەرەی،
سەروو بانی وەشتەرین
یاگێ بێ پەی
بورسیای تا زیرەکی
وێش نیشانەوخەڵکی
بدۆ!؟
گەورەو
وردی و دەگای
تەماشاو
فوتباڵو مودیر
و بورسیای کەرێنێ؟!
بۆرسیا
،پاپا- بورسیا
گۆڵ؟! چەنی دەنگ
و هاوارو زارۆڵا
بۆرسیا بە سەرە
تۆپەکی َوزۆ
دلێ گەڵاو مودیریەنە
و کەرۆش گوڵ؟!.
چەپڵە
رێزان و قاڵ و
هەراوهوریا
زارۆڵا
وزۆت ویرو
باشگاو بورسیاو
ئەڵمانیای ؟إ
فرەش
پەنە مەشۆ !! ئەداش
دەسکەرۆ بۆلەبۆڵ:
رۆڵە خەڵک نامێمابەرۆ؟
ئارۆ
مامۆسا و حاجی...ئامیبێنێ؟
گلەیەشا بینێ
؟ واچێنێ ئەگەر
پێسە کەرۆ
شکاتش کەرمێ،
لاو وێشوو مودیرەن!
رۆڵە گیان
نانوو وێت مەبڕە!
ئاخر تووتەی
سپڵۆت چێشەن تۆ
گنی شۆنیش؟!
بێچارە
مودیر خەم و خەفەت
روەش کەرۆنە و
سەرە منیۆ سەروو
زەنگۆڵاش!
زمسان
خەریکا یاگێ وێش
بدو بە وەهاری
ونازارێ وێشا
پێچاوە وڕاو هەواری
گێرا وەر، بۆڵە بۆڵ
و خەڵکی و گەرما
و دلێ دەگای مودیری وزو ویرو
هەواری ؟
ئانە
خاسا بۆرسیای بەرۆ پەی
هەواری، چاگە شوانە بەرۆش
چەنی گەلەی
وخزمەتشکەرۆ؟!
ئینەش
واتوو ڕاو هەواریش
گرتە وەر، پەی
بۆرسیای هەوار
جە گەرماو دەگای
و بۆڵە بۆڵوخەڵکی
وەشتەربی؟! بەڵام
پەی مودیری
ئاستە جیاو بۆرسیای
دلێ هەوارینە
و سپاردەێش دەسوو
شوانەی بێڕەحمی،
پێسە بێ دمە
بدەی دەسو کتێ
؟ چێشکەرۆ رایوتەر
شکە نەبەرێ ،
هەر جۆرێ بێ
ئاغەی مودیر
بورسیاش یاونا
هەوار، بەڵام
مشیای بورسیاش
ئاسایە جیاو وێش
بە دزی بەرکەردای.
جارو
بار ویرێ کەرێوە
و دڵو وێشنە
واچَی: فەرقمەکەرۆ.
ئی خەڵکە هەر
ئاخەڵکەنە؟"
چێش کەروو نە
خوام چنە رازییەن
نە بەنە!
بە
دڵەڕاوکی بۆرسیاش
جیا ئاست و وێش
گێڵاوە پەەی دەگای!
دماو
چنەروا دلێ هەواریەنە
قاڵ :هۆرزۆ:
-ئیشەو
بورسیا هەڵیزەو
دۆکەیش دڕیەبێ
؟ یۆتەر چەولا:
ئی تووتە خوێڕیا"
کوشتێش، بەردێشۆ
ئایاگێ ئاوردەنشا.
فەسڵو
گەرمای دەسش پەنەکەردەن،
ئاغەی مۆدیر چەنی
رەفێقاش خانە
باخەنە خەریکو
ئیسراحەتی بێ تا شەکەتی
مەدرەسە و
دووری بۆرسیای
بەرکەرۆ.
ناگا
قوزە قوز وتوتەى
و حەشرو حەلەلاو
زارۆڵاا ئیسراحەتەکەشا
تێکدا، بۆرسیای
بەدبەخت چێرو
وارانوو تەوەن
و تێڵاو زاڕولانە
پاێوش بێ و هەزاری
تەریش قەرزێ کەردێ
بێنێ" ئەو ئانەی
شێ، بۆش وەرکەردێبێ
و رووەو ئاگەی
رەمابێ
ئاغەی
مودیر
بە دەنگو
بورسیای چڵەکیارە
و لوا هاناشەوە،
زارۆڵێ ئاوایی
بەدیەو مۆدیری
گێڵێ دماوە،
مودیر شۆنە و
بۆرسیایەرە"
بۆرسیا، بۆرسیا
کووت، کووت،
پاپا، گوڵ ..... بۆرسیا
لاشکەردۆ و بە
تاسەوە ڕەما سەرەشکەرد
دلێ گەڵاو مودیریەنە
و بە زوانی بێزوانی
شیوەنوو بێکەسی
وێش کەرد. مودیریچ
هەرسی چەماش
چکێرە ملوو لەشی
مانیا و بۆرسیایرە،
ئاخر فرە لەڕو
لاواز بیەبێ،
ئاوراینە لەمەش
لوێبێ مازیشەرە،
مودیر جە خانەباخێوی
نزیکەنە نانش پەی
ئاوردوو هەر
دوێ بە نگەرانی
و بە پەرۆشەوە
پەی چارەنویسی،
چارە نیەن مشێو
چارەنویسو بۆرسیای
بدریۆ دەسوو ئەجەڵی،
مودیر بە هەناسەی
سەرد چڕو یۆجە
محەسڵەکاش:
- چیا گیان بۆ
زەحمەت کێشە جیاتی
من بۆرسیای بنیە
ماشین و بەرەش
یاگێوی دوورە.
چاوێڵش کەرە بەشکەم
رەفێقش پەی پێدا
بۆ، بۆرسیا بە
نائۆمیدی َو بە
نیگای پەڕ
ماناوە تەماشاو
مودیری کەرۆ و
ئیتر هیچ (شایەد
ماڵئاوایی تەڵخ
پەی
هەمیشەی ) بەڵام
یاد و نامێ بۆرسیای
پەی مودیری عیشقێوەن
کە شەو و رۆ ئینا
چەنیش.
تەم
و مژو زمسانی
و بەرگی سیاوچەرمەو
تەبیعەتی یاگێ
وێش دابێ وەهاری
سەوز و پەڕکەیفوو
سرووری. مەدرەسەیەکێ
کۆڵ و بارشا رێک
وستەبێ تا پێسەگرد
وەهارێوی چەنی
مودیرکەیشا
بلا گێڵاى،
ئاڕوە
ئاسمان ناوچەوانش
سیاو کەردەبێ
و هەڕەشێ کەرێ،
چارە نەبێ وەڵتەر
قەرار و مەدار
دریا بێ !
واران تۆفکەرێ
وەروەماڵو
ماشینەکەی
جار جار وەروو
چەماو مودیری ڕۆشنکەرێوە،
ناگا مودیر چڵەکیارە.
نەزانێ وەرمەن
یا ڕاسەن.
بۆرسیا
سەرقافڵەو ئا
گەلە تووتا بێ
کە جە دەسوو ئینسانە
کانە یاخیی بیەبێنێ،
ماشینەکە لەحزێوە
مدرۆ و مودیر
چێرو رەهێلە و
وارانییەنە: بۆرسیا،
پاپا، گوڵ..؟
محەسڵەکیش
گنۆوە ویرشا:
کووت کووت سەگی
من ....،
نا،
نا بۆرسیا ئیتر
متمانە بە بەشەری
مەکەرۆ. مودیر
بە هەناسەی سەرد
ئاهێوە هۆرکێشو
و سەفەرێوی بێ ماڵئاوایی.
نؤیسهو
ڕهفعهت
مورادی
1_
سپلوت/ گڵیاؤ