Welcome to Hawraman  
وه‌ش ئامایدی په‌ی یانه‌و هۆرامانی
لینکی گورانیی فونتی شیعری زؤان روچنه داستانی ئارشیؤ email Mail
 لینکی:

  هورامان نو

   بیساران

14-15

 هۆرامان ئانلاین

 

 لانیشته

 فه‌رهه‌نگ

 ئاته‌شگا

کومسـا

بانیؤ و دؤی هه‌ؤێ!

 

ماؤیؤ چێؤه‌ڵ هه‌ؤاڵیؤ جه‌ سایتوو په‌یامنیریه‌نه‌ به‌ زؤانوو وه‌زیروو په‌روه‌رده‌یۆ ؤه‌ڵا بیۆ که‌ ؤاته‌ بیش" داؤاکاری خه‌ڵکی ده‌ڤه‌ری بادینان بۆ خوێندن به‌ زاراوه‌ی بادینی له‌ قۆناغه‌کانی بنه‌ره‌تی و ئاماده‌یی زۆر ره‌وایه‌ و ئه‌م بابه‌ته‌ له‌ ئه‌نجومه‌نی وه‌زیرانی حکومه‌تی هه‌رێم تاوتوێده‌که‌ین و بریارێک ده‌ر ده‌که‌ین".

هه‌ر چینه‌ یاگی ویشه‌نه‌ که‌ یو پیروز بایی که‌رو ئۆ بادینیه‌کا و ؤاچو پیروزشا بو! مافوو ویشانه‌ و خێره‌و که‌سی نیه‌نه‌. جه‌ پاڵیچشه‌نه‌ په‌نجه‌ کیشو په‌ی بڕیؤ چا کومه‌ڵه‌ په‌رسا که‌ دلی ته‌مو مژوو نیگه‌رانیه‌نه‌ وه‌شی با و ته‌لاش که‌رو تا جوابوو بازیؤیشا بیزوؤه‌. ‌

چیش بی و چی په‌ی ئیمه‌ نه‌کریا ؟ خو ئیمه‌یچ ده‌نگما هور بی و به‌ شیؤیؤی سه‌دی سه‌د دیموکراتیانه‌ داؤاما که‌رد. ئی بان و دؤه‌ هه‌ؤا ماناش چیشه‌نه‌؟

تو ؤاچی ئینی پاسه‌ یاؤێبانه‌ که‌ ئینه‌ ماف نیا  و خه‌ڵاتا و ئادی به‌ ئاره‌زوو متاؤا بداش و بساناش؟ ده‌ی ئه‌گه‌ر چیمنه‌نه‌ ئا گرده‌ هاؤاره‌ گوش که‌ڕ که‌ری سه‌روو مافه‌کا مروؤی چیشینی که‌ یو رؤانه‌  ده‌مشاؤه‌ مژنه‌ؤو؟

ئه‌ی تو ؤاچی مه‌ردموو هۆرامانیشا  به‌ ژماره‌ جه‌ مه‌ردموو بادینانی لاؤه‌  که‌مته‌ر بو؟ چانیشانه‌، به‌ڵام یاگی په‌رسینه‌ که‌  چکو و چه‌نیشا زانا؟ مه‌گه‌ر ئانه‌ نیا ڕؤانه‌ی په‌ی پوژنای فیڵا چیروو ده‌س به‌رده‌ی په‌ی  لیسته‌ ئه‌ره‌ؤزیاؤ هورچنیه‌که‌یشا عه‌زری  نه‌بیه‌ی سه‌رژماری کوردستانی ماراؤه‌. تازه‌ گیره‌م چامنه‌یچه‌ بو و هۆرامان به‌ ژماره‌ که‌مته‌ر بو جه‌ بادینانی، ده‌ی بازهه‌م مافوو ویمانه‌ په‌رسمی که‌ جه‌ کام گوشه‌و به‌یاننامه‌و مافه‌کا مروؤیه‌نه‌ وانانشاؤه‌ که‌ مافی مروؤی  به‌ کۆچ و  و پیمانه‌ مدریا؟ خو مافه‌کی مروؤی جه‌ بنه‌ڕه‌ته‌نه‌ مافی تاکه‌ که‌سیه‌نی. ئی فه‌لسه‌فه‌ نایابه‌شا چکوؤه‌ ئاؤرد؟

وه‌شبه‌ختانه‌ ئی به‌ ماف یاؤای بادینیا  ئاؤیچ که‌رونه‌ چیروو گردوو ئا ؤیر و په‌ی لؤایه‌ سه‌قه‌تا که‌ جه‌ سه‌رده‌موو داؤاکی ئیمه‌ ئۆ پارلمانی، په‌ی به‌ ره‌سمی ئه‌ژناسای زؤانی هۆرامی،  روو به‌رویما  کریینیؤه‌ و دریینی گوشماؤری که‌ ئی داؤاکاری ئیمه‌ یانه‌و کوردی که‌روبه‌ سه‌ربه‌شوو یانا و....

ده‌ی ئیسه‌ با ئانی، که‌ په‌رچه‌مه‌و ئی ؤاته‌ قه‌ڵباشا هور که‌ردی بی، بلا و یه‌خی به‌رزانیا گیرا و چه‌نه‌شا په‌رسا که‌ چی گه‌ره‌کشانه‌ یانه‌و کوردی کاؤل که‌را؟

جه‌ چند حاڵه‌تا زیاته‌ر نیا، یا به‌رزانیی پانه‌یه‌ یاؤێنی که‌ کوردی  نیه‌نی و ئی گرده‌ ساڵه‌ بی مانا جه‌ ڕاو کوردایه‌تیه‌نه‌ ویشا نیان ئاؤ و ئاورۆ، یا سه‌رشا ؤه‌نه‌ شیؤیان و یا ئانه‌ که‌ ئی هه‌رمانی یانه‌و کوردیش په‌نه‌ کاؤل مه‌بو. ئه‌ندا چه‌نی کریو یو ویش به‌ کورد بنیوره‌ و جه‌ راو کوردایه‌تیه‌نه‌ ئه‌نفال کریا بو و سه‌ریچش ؤه‌نه‌ نه‌شیؤیا بو،  هه‌ر پا سووک وئاسانیه‌ تیشه‌ دو ئۆ ڕیشه‌و ویش و مه‌دره‌سه‌کاشه‌نه‌ به‌ زؤانی ئه‌داییش بوانو و پا جوره‌ یانه‌و ویش بنیو ئێرۆ.

ئه‌ؤیس مه‌که‌روو یو فره‌ قووڵ بوؤه‌ تا په‌ی پانه‌یه‌  به‌روو که‌ بیه‌و پارتی جه‌ بادینانه‌نه‌ هوی سه‌ره‌کی ڕاس ئامای  ئی هه‌رمانی و ده‌یان هه‌رمانیته‌ری  بادینیانه‌. ئینه‌یچه‌ ئانه‌یه‌ مرمانو که‌ ئه‌گه‌ر هۆرامانیچ پارتییؤی  ده‌سه‌ڵاتداری خودیش بیێ ڕو هه‌رماناش نه‌یاؤی ڕو ئاروی.

سازمانی سیاسی ده‌سه‌ڵاتدار جه‌ مه‌نته‌قه‌و ئیمه‌نه‌ یه‌کیه‌تیا که‌ به‌ داخۆ سه‌روو مه‌سه‌لی تاریفا نه‌ته‌ؤه‌ی هه‌ڵای ئینا سه‌ره‌تاو سه‌ده‌ی ؤیه‌رده‌یه‌نه‌ و هه‌ر قه‌ؤانه‌و شوعاره‌ پویا و بی ئابروه‌کی یه‌ک نه‌ته‌ؤه‌ و یه‌ک زؤانوو موسولینی و ئاتا تورکی مدوؤه‌ ؤه‌نه‌. یه‌کیه‌تی ئی ئه‌نداموو سووسیال دیموکراسی ئورووپایه‌! به‌ مدرایش ؤه‌راؤه‌روو ئی مافه‌ ڕه‌ؤاو  مه‌ردموو هۆرامانیۆ گه‌ره‌کشا برمانو که‌ جه‌ هۆرامانی جیان و بیگانه‌ن به‌ هۆرامانی.

گردوو ئینیشایچه‌ جاریؤته‌ر ئا ڕاسیه‌ گوشزه‌د که‌راؤه‌ که‌ که‌س هه‌رمانه‌و که‌سی مه‌که‌رو و ئه‌ؤیسا که‌ گرد که‌س ؤیروو ویشه‌نه‌ بو و ویش هه‌رمانی  ویش که‌رو. ئانا پیسه‌ ڕوی روشنیچ به‌ر کۆت که‌ هه‌رێ سه‌روو تیکدای یه‌کیه‌تی کوردی و ؤیرانی یانه‌و کوردی و ... گرد هاؤاری بی بنه‌مێ بینی. ئارو ئا  ڕؤه‌نه‌  تا ئیمه‌یچ به‌ ڕا مه‌ریاییۆی فره‌ته‌رۆ و بی  خوف جه‌ چیؤه‌ گوتره‌یا گنمی شونه‌و به‌ ده‌س ئارده‌ی مافه‌کاما و پی جوره‌ ویما جه‌  تانه‌و ته‌شه‌روو مه‌ردموو ئاروی و نه‌ؤه‌کا سه‌ؤای پاریزنمی.

ئانا  هورچنیه‌ی کوردستانی ئینا ڕاؤه‌ با تا ئا رؤه‌  که‌ بیمی به‌ خاؤه‌نوو سازمانی سیاسی  ویما  به‌ که‌سانیؤی ده‌نگ ده‌یمی که‌ باؤه‌ڕشا به‌  مافه‌کا مروؤی هه‌ن و جه‌ چوارچیؤیؤی ئینسانی و دیموکراسیانه‌نه‌ چه‌نی مه‌ردموو هۆرامانی هۆرس و کۆت که‌را. مشیو ده‌نگ به‌ که‌سانیؤی ده‌یمی که‌ ڕوشن و ئاشکرا ددان منیا مافه‌کاماره‌ و جه‌ پاریزنای زؤان، فه‌رهه‌نگ و ژینگه‌که‌یمانه‌ یاردیما  مدا.

 

سیامه‌ند هۆرامی

2009-05-31

که‌سیؤ بمانو

گیڵناؤه‌ و ماچا زه‌مانه‌و ره‌زاشای دۆڵه‌ت جه‌ چند قوڵیؤه‌  هجووم مارو په‌ی سه‌روو هۆرامانوو لهونی و شونه‌و چند جه‌نگاره‌ سه‌ره‌نجام به‌ ده‌سیسه‌ نۆسوودی‌ گیرو. نۆسووده‌ چا وه‌ختا‌نه‌ یاگی ده‌سه‌ڵاتداری جافرسانی بو. به‌ گیریای نۆسوودی حاکمی هۆرامانی پاشه‌ کشی که‌را و گوزاری ئه‌سڵی مازا جیا و کیشیاؤه‌ په‌ی لاده‌گایه‌کا دۆر و به‌ری. نیروو ره‌زاشای ده‌س که‌رو به‌ یاگی وی هه‌سه‌م که‌رده‌ی و پی بونۆ  گنو جاده‌ کیشته‌ی په‌ی نۆسوودی. سه‌روو تونه‌یله‌کی ئۆلا دواوی ؤه‌روو سه‌ختی ڕاکی ماؤیؤ ماتڵیشا بو. چا نزیکانه‌ کابرێؤی ساده‌ به‌ نامی (قوربانی) به‌ قسی ده‌سه‌ڵاتی ره‌زاشایی خه‌ڵه‌تیو و  بو  به‌ چه‌م ساخوو سپاو شای. قوربانی گنو ؤه‌ڵی سه‌رؤازا و زور مارو ئۆ به‌گزادا هۆرامانی.

چی ڕه‌م و ڕومانه‌ ئۆڵغه‌فوور به‌گ (کوڕوو جافرسانی) که‌ وه‌ختوو ویش حاکموو ده‌گاو کومه‌ده‌ره‌ی بیه‌ن گلیرؤ و ده‌سیؤش مه‌ڕیو. چیروو ده‌سوو شکسته‌ به‌ندیه‌نه‌ و  جه‌ گه‌رمه‌و ئیشیه‌نه‌ ئی شیعریشه‌ په‌ی مێ و ماچو:

که‌سیؤ بمانو   وزه‌مانه‌ش پیر بو

خوژه‌و هه‌لامه‌ قوربانیش ویر بو +

جا ماچا زه‌مان ؤیه‌رو و ڕه‌زاشا جه‌ پیوه‌ن چه‌نی جه‌نگی دوه‌می جه‌هانیه‌نه‌ شار به‌ده‌ر کریو و به‌گزادی گیڵاؤه‌ و ده‌سه‌ڵات پیدا که‌راؤه‌. پاسه‌ مێ ؤه‌رۆ، قوربانی چا لا پرده‌و کوڕانه‌ بو  به‌ دامیۆ. به‌ ده‌سووروو ده‌سه‌ڵاتی وه‌ریسه‌ مارا و بینانه‌ چیروو باڵاش و  دؤه‌ سه‌روو وه‌ریسه‌کی ئیده‌س و ئۆده‌سوو روخانه‌یۆ گیرا و وه‌ش وه‌ش قوربانی مژه‌نا ئاؤه‌کیره‌‌. ته‌ماشاچییچ گرد جاریؤه‌نه‌ و به‌ کوڕ موانا: که‌سیؤ بمانو و زه‌مانه‌ش پیر بو.....

چامای سه‌روو داؤاو  ته‌ماشاچیا قوربانی ؤه‌ر مدریو.

داره‌کؤه‌

+ خوژه‌و هه‌لامه‌, گیؤاؤی خوراکیینی و پاسه‌ دیارا  ئۆلغه‌فوور به‌گ چا وه‌خته‌نه‌ ؤه‌روو فره‌ وارده‌یشا ده‌سشاؤه گله‌ییش بیینی ‌.

 
2009

ساڵه‌و پاری: 
 ساڵه‌و هه‌رچی زیاته‌ر وی پیس که‌رده‌ی  نیزاموو  بورژوازی  بی.  ساڵه‌و دوڕنای کارخانه‌ دارا و به‌رده‌ی قومارچیا سه‌هامی بی. ساڵه‌و ته‌رسی بی ، ته‌رسه‌و، بی نانی،  بی ئاؤی، بی مه‌سکه‌نی و  بی کاری.  به‌ جوریؤ ئه‌گه‌روو ئانه‌یه‌ ئامان ؤه‌رۆ، یو ساعبی بلو ؤه‌روو نانه‌ؤاخانه‌ی و نان نه‌ بو.، مه‌دره‌سه‌ ؤزیا بوره‌ و لوولی ئاؤیشا  نێ پوره‌ و به‌رقوو یانا نه‌یاؤو ؤه‌رۆ‌ و ماشینی  گرد چه‌قێ با و به ‌ره‌و بانکایچ هورچنیا بو. 
ساڵیؤته‌ر جه‌ ساڵا
سه‌رکیسه‌ که‌رده‌و مه‌ردمی، بی ده‌سه‌ڵاتی بی. ساڵه‌و پوزه‌ جمناییؤوو مامووته‌ سیاسیه‌کا شوره‌ؤیچ بی.‌ 
هه‌ر پاسه‌ ساڵه‌و ویژه‌ ئه‌ره‌ ئاسته‌ی و چه‌م پروونای ده‌سه‌ڵات دارا جمهووری ئیسلامی بی.  ساڵه‌و تروری بی.
 ساڵه‌و زؤانی هۆرامیچ نه‌بی.
‌خرابته‌ر جه‌ ساڵه‌و میاچه‌ما بووشیچ  به‌رشیه‌. ساڵه‌و قوندرا بی.

په‌لیانه‌و هۆرامانی